Михаил Адамович Скорульский
Михаил Адамович Скорульский (1887-1950) - украин композиторы, музыка зерттеуші.
Ұлы Отан соғысы жылдары (1941-1944) Қазақстанда қызмет істеген. Осы кезеңде орыс, украин, қазақ фольклоры әуендері негізінде әр түрлі формадағы шығармалар тудырды. Ол қазақ музыкасында тұңғыш рет Абайдың«Көзімнің қарасы», «Татьянаның хаты» әндерінің әуендерін пайдаланып, фортепианоға арналған бір бөлімді квинтет (рояль, екі скрипка, альт, виолончель) жазды.
Квинтеттің гармоникалық полифониялы тіркестерінде Абай әндерінің өзіндік ерекше стилін өте нәзіктікпен келтіре білген.[1]
Биографиясы өңдеу
1910 ж. – Орыс музыкалық қоғамының Житомир музыкалық училищесін бітірген.
1914 ж. – Петербург консерваториясын бітірді, М.О.Штайнберг, Дж.Витольс, В.П.Калафатимен композицияны, А.Н.Есиповадан фортепиано сыныбын оқыды.
1915-1933 жж. - Житомирдегі музыкалық оқу орындарында сабақ берді.
1933-1941, 1944-1950 жылдары - Киев консерваториясында сабақ берді.
1941-1944 жылдары - Алматыда сабақ берді. Эвакуация жылдарында ол Алматыда қазақтың белгілі композиторы Бақытжан Байқадамовтың үйінде тұрған.
Ол Киевтегі Байкове зиратында жерленген.
Дереккөздер өңдеу
- ↑ Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |