Михаил Давыдович Львов

Михаил Давидович Львов (1917 жыл 4 қаңтар, Насибаш, Башқұртстан - 1988 жыл 25 қаңтар, Мәскеу) - орыс кеңес жазушысы. 1950 жылдан КОКП мүшесі.

Шығармашылығы

1941 жылы М.Горький атындағы әдебиет институтын бітірген. Өлеңдері 1935 жылдан бастап жарияланды. Оның тұңғыш кітабы - «Уақыт» (1940). Соғыс жылдарында «Орал ұрыста», «Жолдар» атты екі жинақ шықты. «Ерлік» (1961), «Лирика» (1962), «Бұл жылдары» (1963), «Бізде Ресейде» (1964), «Менің жолдастарым» (1945), «Жиырмасыншы ғасырда жасаймын» (1957), «Теңіз тамшысы» (1962), «Бейбіт адам» (1964), «Достар елі» (1970) атты публицистикалық азаматтық пафосқа толы кітаптарында Қазан тудырған ұрпақтар өмірінің ерлік шежіресі мен сол кездегі заманның көкей тесті мәселелерін тебірене жыр етті. Ол С.Сейфуллин, Б.Майлин, Ә.Сәрсенбаев, Х.Ерғалиев, Жұбан Молдағалиев, Ғ.Қайырбеков т.б. шығармаларын орыс тіліне аударды.