Михаил Романович Константинов

Михаил Романович Константинов(1922 жылы туған, Солтүстік Қазақстан облысы,Ғ.Мүсірепов ауданы,Чистополье селосы) - 2-дүниежүзілік соғысқа катысушы,аға лейтенант, ұшқыш, топ командирі. Кеңес әскері қатарына 1940 жылы шақырылды. 4-әуе армиясы 43-гвардиялық авиация полкінде ұрыстарға қатысты. Польшаны азат етуде, Шығыс Пруссия мен Берлиннің солтүстігінде неміс әскерлерін талқандау кезінде көзге түсті. Ол күніне 4—5 рет жауынгерлік сапарға шыгып отырды. Константинов жау танкілерінің, артиллериясының, автокөліктерінің және адамдардың шоғырланған жеріне соққы беріп, фашистік жекпе- жекте айқасты. Константинов басқарған шабуыл жасаушы топ, әсіресе Гдыня, Данцинг, Штеттин, Кармцев, Штрасбург, Свинемюнде, Доилиды, Ромсан кқалаларын алу кезінде болған ұрыстарда ерекше көзге түсті. Константинов 147 жауынгерлік ұшу сапарына шығып, бір өзі жаудың 150-дей танкісі мен бірнеше автокөлігін талқандады, екі өткелді, нығайтылған 5 атыс ұясын жойып, 2 катерді суға батырды, жанармай кұйылған 10 цистерна мен бензин қоймаларын өртеп, зенит артиллериясының 21 зеңбірегін жойып жіберді. Константиновқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (15.5.1946). Соғыстан кейін Константинов Кеңес әскері қатарында қызмет атқаруын жалғастырды.[1]

Дереккөздер өңдеу

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х