Михаэль Баллак

	Михаэль Баллак
Жалпы мағлұмат
Туған күні	26 қыркүйек 1976 (48 жас)
Туған жері	Гёрлиц, Дрезден округі, ГДР
Азаматтығы	Германия
Бойы	189
Позиция	жартылай қорғаушы
Клуб жайлы ақпарат
Клуб	карьерасын аяқтады
Клуб карьерасы
Клуб карьерасы
Ұлттық құрамы
	↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. ; ↑ Ресми матчтарда ұлттық құрамда болған ойындары мен голдар саны. ;
	Бұл үлгіні: көру • талқылау • өңдеу

Михаэль Баллак (нем. Michael Ballack; 26 қыркүйек 1976 жыл^[2], Гёрлиц, Дрезден) — германиялық футболшы, жартылай қорғаушы. Германия Ұлттық футбол құрамасында ойнаған.

Карьерасы

Михаэльдің сәбилік шағында ол отбасымен бірге Карл-Маркс-Штадтқа көшіп, Баллактың футболдағы алғашқы қадамдары сонда өтеді. Тұңғыш «Мотор» атты клубынан кейін ол он бір жасында сол кездегі Шығыс Германияның ең күшті клубтарының бірі «Карл-Маркс-Штадттың» футбол мектебіне қабылданады. Екі Германияның бірігуінен кейін атын «Кемниц» деп өзгерткен Баллактың командасы өз өнер көрсетуін 2-лигада жалғастырады. 18 жасынан Баллак бас команда құрамынан көріне бастайды. Үлкендер арасында өнері мен мінезін шынықтыру оған болашақта зор сеп болады. 1996/97 маусымда аймақтық лигада Баллак үздік ойыншы атанады. Сол кезде оның тұлғасына бірінші мен екінші бундеслига клубтары қызығушылық таныта бастайды.

Сол кезде оның тұлғасына бірінші мен екінші бундеслига клубтары қызығушылық таныта бастайды. Баллак Отто Рехагельдің «Кайзерслаутернін» таңдайды. Уақыт көрсеткендей, бұл шешім өзінің дұрыс екендігін дәлелдейді. 1997 жылдың жазында «Кайзерслаутерн» енді ғана бірінші бундеслигаға қайтып оралады. Рехагель командасын жоғары орындардан үміткер ретінде ешкім күткен жоқ-тын. Алайда, маусым аяғында Германияда үлкен сенсация орын алды – «Отто королі жасағы» «күміс табақшаны» ұтып алды! Бұл неміс футболының тарихында тұңғыш рет төменгі лигадан шыққан клубтың келесі жылы чемпион атануы болды. Баллак біріншіліктің жарты ойындарында алаңға шығып, жақсы әсер қалдырды. Келесі маусымда Михаэль негізгі құрамның толыққанды ойыншысына айналды. Бірақ, оның бас бапкермен өзінің алаңдағы орны жайында кикілжіңдері ақырында оны «Кайзерслаутерннен» «Байерге» ауысуына итеріп салады.

1999 жылдың жазынан бастап, ол «аспириндік» командада ойнай бастайды. Леверкузенде Баллак клубтың ең маңызды ойыншыларының бірі болып, сонда өз ойнының деңгейін әрі қарай шыңдай түседі. Бірақ, оның командасы бундеслигада жылдан-жылға тек екінші болып қала берді. Осындай үрдістің ең жарқын көрінісі 2002 жылы болған еді. Баллак командалары барлық турнирлерде: Германия біріншілігі, Кубогы, Чемпиондар Лигасы мен Әлем чемпионатында қатарынан екінші орында қалды. Жапония мен Кореяда алты ойында үш доп соғып, неміс командасын жалғыз өзі жетелеген ойыншы сары карталарды көп алуы себепті финалда өз еліне көмектесе алмады. Нәтижесі белгілі.

2002 мен 2006 жылдар аралығында Михаэль Баллак «Баварияда» өнер көрсетеді. Мюнхенде оған ішкі аренадағы жүлделердің барлығы бағынады. Үш мәрте бундеслига чемпиондық атағы, сонша рет Германия Кубогы және 2002, 2003, 2005 жылдары Германияда жыл футболшысы атанады. Бірақ, халықаралық деңгейдегі жеңістерге деген құштарлық оның «Челсиге» ауысуына түрткі болады. 2006 жылғы Әлем чемпионатындағы Германияның қола медальдарынан кейін Баллак Лондонға көшеді. Алайда, Британия астанасында да Баллак Чемпиондар Лигасының жеңімпазы атағына ие болуымен мақтана алмайды. 2008 жылы осы турнирдің ақтық кездесуінде оның «Челсиі» жеңіске бір табан жақын болған еді. Бірақ, Джон Терри соңғы пенальтиден мүлт кетті. Сонымен бірге Михаэль «ақсүйектер» сапында ештеңеге қол жеткізбеді деуге болмас. Лондонда неміс 2007 жылғы Англия Кубогы мен Ағылшын Лига Кубогының жеңімпазы атанып үлгерді.

Жалпы, Михаэль Баллак туралы сөйлегенде оның қазіргі неміс футболы үшін бірден-бір маңызға ие тұлға екендігі күмәнсіз. Бірақ, қарсыластары оның мінезіне көшбасшылық қасиеттер жетпейтінін алға тартады. Бұл жерде нағыз көсем ойыншы болған Штефан Эффенбергпен салыстыру бірге жүреді. Ал, жақтаушылар оның Германия құрамасындағы голдары қашанда шешуші сипатқа ие болуын атайды. Қалай дегенмен, Баллак есімі ешкімді де бейжай қалдырмайды. Ал, бұл оның маңызының нағыз көрсеткіші.

Жетістіктері

Командалық

«Кайзерслаутерн»

Германия чемпионы: 1997/98

«Байер»

Чемпиондар лигасының финалисі: 2002
Германия вице-чемпионы: 2000,2002
Германия кубогы: 2002

«Бавария»

Германия чемпионы (3): 2002/03, 2004/05, 2005/06
Германия кубогы (3): 2003, 2005, 2006
Лига кубогы: 2004

«Челси»

Англия чемпионы: 2009/10
Англия кубогы (3): 2007, 2009, 2010
Лига кубогы: 2007
Англия суперкубогы: 2009
Чемпиондар лигасының финалисі: 2008

Германия

Әлем чемпионатының финалисі: 2002
Конфедерациялар кубогының қола жүлдегері: 2005
Әлем чемпионатының қола жүлдегері: 2006
Еуропа чемпионатының финалисі: 2008

Жеке

Германия жыл футболшысы (3): 2002, 2003, 2005
УЕФА жыл жартылай қорғаушысы: 2002
ФИФА 100

Дереккөздер

↑ Player Profile: Michael Ballack, chelseafc.com.
↑ https://www.transfermarkt.com/transfermarkt/profil/spieler/63

Сілтемелер

Профилі

[club-2] Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

[national-3] Ресми матчтарда ұлттық құрамда болған ойындары мен голдар саны.

[1] Player Profile: Michael Ballack, chelseafc.com.

[4] ttps://www.transfermarkt.com/transfermarkt/profil/spieler/63

[2]

[1]

[* 1]

[* 2]