Мкхитар Размикович Манукян

Мкхитар Размикович Манукян - 1973 жылы 20 қыркүйекте Армян КСР Ленинакан қаласында туған. Армян. Әкесі - Манукян Размик. Анасы - Манукян Нора. Қазақ мемлекеттік дене шынықтыру институтының дене тәрбиесі және спорт факультетін бітірген (2000), жаттықтырушы-оқытушы. Орыс, армян және ағылшын тілдерін біледі. «Нұр Отан» ХДП мүшесі.

• 1986 жылдан күреспен айналыса бастаған.
• 2004 жылдан - ҚР Күрес федерациясының грек-рим күресінен жаттықтырушы-нұсқаушысы. Әлем чемпионатының қола жүлдегері (1995); Әлем чемпионатының жеңімпазы (1998, 1999); Әлем кубогының күміс жүлдегері (2003); XXVIII Олимпиада ойындарының қола жүлдегері (Афины, 2004). Грек-рим күресінен ҚР Еңбек сіңірген спорт шебері (1998). «Ерен еңбегі үшін» медалімен марапатталған (2004).

Әскери атағы - капитан.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Жағымды».
Хоббиі - автомобильдер.
Сүйіп оқитын әдебиеті - детективтер.

Үйленген. Жұбайы - Манукян Аревик Рубиковна (1983 ж. т.); қыздары - Манукян Нора (2002 ж. т.), Манукян Карине (2005 ж. т.).