Молдақұл Сұлтанұлы Нарымбет

Молдақұл Сұлтанұлы Нарымбет (5.01.1948, Түркістан облысы ГлабаСай ауылы - 13.02.2012) — Қазақ суретшісі. ҚР Көркемөнер академиясының толық мүшесі. Кескіндемеші, суретші-радикал, қазақ авангардының негізін салушы. ҚР Суретшілер одағының мүшесі.

Білімі

• П. Беньков атындағы Ташкент көркемсурет училищесін (1974), сурет салу және сызу пәнінің оқытушысы;
• Абай атындағы Қазақ мемлекеттік педагогикалық институтының көркемсурет және графика факультетін бітірген (1992), сурет салу және сызу пәнінің оқытушысы.

Еңбек жолы

• 1973 жылдан - ӨзКСР Ташкент облысының №31 ОМ сурет салу және сызу пәнінің оқытушысы.
• 1976 жылдан - Ә. Қастеев атындағы Шымкент көркемсурет училищесінің оқытушысы (Шымкент қаласы).
• 1993 жылдан - Өнеркәсіптік кооперативтің суретші-дизайнері.
• 2000 жылдан - «Хабар-2», «Ел Арна» телекомпаниялардың бас суретшісі.

Шығармашылығы

• «Созақ», «Көкпар» (резеңкеден), «Скарабей», «Мен қазақпын», «Қорқыт», «Бал-бал», «Жебеушілік» жұмыстар сериясының, «Менің Қазақстаным», «Шаңырақ», «Киіз басу», «1994 жыл» кескіндеме жұмыстарының авторы. «Қызыл трактор» Шымкент суретшілер ұжымының жетекшісі.
• Шетел және республикалық көрмелердің қатысушысы.
• Жұмыстары Қазақстанның мұражайларында, шетел және отандық жеке коллекцияларында сақталуда.

Марапаттары мен жетістіктері

Халықаралық сыйлықтың, «Жігер» сыйлығының лауреаты.

Отбасы

• Әкесі - Нарымбетов Сұлтан. Анасы - Қожабекова Ұлша, үй шаруасымен айналысады.
• 1973 жылы үйленген бірінші жұбайы Наримбетова Мариямкул Серикбаевна, одан 5 балалы болған. Мариям Ақтөбе қаласында Театральное училищесін бітірген, олда өнер адамы болған.
  • Балалары - Махаббат (1974 жылы туған), Перизат (1975 жылы туған), Сәкен (1977 жылы туған), Ақтолқын (1980 жылы туған), Сахи (1982 жылы туған)
• екінші жұбайымен 1994 жылы Мариям қайтыс болған соң - Нарымбетова Салтанат Қасымқызына (1960 жылы туған) бас қосқан, ол үй шаруасымен айналысады.
  • Ол некеден Айя (2001 жылы туған).