Моллаяр Исламгерейұлы Сыртланов

Моллаяр Исламгерейұлы Сыртланов(1923, Ресей,Башқұртстан - 1944, Украина, Винница қаласы) - 2-дүниежүзілік соғысқа қатысушы, қатардағы жауынгер,башқұрт. 1941 жылы Қарағандыдағы №2 Федоров көмір разрезінде жұмыс істеген. Кеңес әскері қатарына Карағанды қаласы әскери комиссариатынан шақырылып,1942 жылы 161- дивизия 569-атқыштар полкі құрамында Ұлы Отан соғысына қатысқан. Днепр өзенінен өту кезінде жауынгерлік ерліктің айрықша үлгісін көрсетті. 1943 жылы 23 қыркүйекте алдыңғы саптағы отряд құрамында өзеннің оң жағалауына өтіп (Букринск плацдармы), жаудың қарсы шабуылына тойтарыс бергеннен кейін отрядпен бірге Зарубенцы селосын (Киев облысы) азат етті. Сыртлановқа Днепрден өтуде көрсеткен ерлігі үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (1943). Қарағанды облысы Өлкетану мұражайында Сыртлановтың өмірі туралы мәліметтер жинақталып, экспозиция безендірілген. Ленин орденімен, бірнеше медальдармен марапатталған. [1]

Дереккөздер өңдеу

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х