Молодёжный ауданы
Молодёжный ауданы — 1972-1997 жж. Қарағанды облысы құрамында болған аудан.
| Аудан | |
| Молодёжный ауданы | |
| Әкімшілігі | |
|---|---|
| Ел | |
| Кіреді | |
| Енеді |
11 ауылдық округ, 1 кент |
| Әкімшілік орталығы | |
| Тарихы мен географиясы | |
| Құрылған уақыты |
10 наурыз 1972 |
| Таратылған уақыты |
23 мамыр 1997 |
| Тұрғындары | |
| Тұрғыны |
14 790 адам (2009) |
Ауданда сүтті мал, астық, көкөніс, картоп өсіруге бағытталып мамандандырылған 1 бірлестік, 10 кеңшар бар, 2 кенттік, 9 ауылдық Кеңес болды. Орталығы - Молодёжный кенті. Өнеркәсіп орындарынан Қушоқы. Молодёжный көмір разрездері, разрез Қажеттілігін камтамасыз ететін 2 авто және темір жол мекемесі, Шоқай темір жол стансасы разрез-құрылыс басқармасы, 2 жол мекемесі, аудандық тұтынушылар қоғамы, аудандық тұрмыс қажетін өтеу комбинаты, нан зауыты, сусындар шығаратын цех, автостанция жұмыс істеді. 1973 жылдан «Знамя труда» ауданы газеті шығарылды. 1997 ж. Осакаров ауданына қосылды.[1]
Тарихы
өңдеуМолодёжный ауданы 1972 жылы 10 наурызда Молодёжный ауылында құрылды. Аудан құрамына Осакаров ауданының Вольский, Дальний, Молодёжный, Родников, Тельман, Трудовой, Шідерті ауылдық кеңестері және Тельман ауданының Қушоқы кенті мен Покорный ауылдық кеңесі берілді. 1972 жылы 15 наурызда Покорный ауылдық кеңесі Тельман ауданына берілді. 1972 жылы 7 шілдеде Тұзды ауылдық кеңесі құрылды.
1973 жылы 10 сәуірде Молодёжный ауылына қалалық кент мәртебесі берілді. Молодёжный ауылдық кеңесі таратылып, оған қарасты елді мекендер Молодёжный кенттік кеңесіне берілді.
1973 жылы 21 желтоқсанда Ертіс (орталығы Ертіс ауылы), Пролетар (орталығы Молодёжный кенті) ауылдық кеңестері құрылды.
1975 жылы 1 қаңтар бойынша аудан құрамында Молодёжный, Қушоқы кенттері мен Вольский, Дальний, Ертіс, Пролетар, Родников, Тельман, Трудовой, Тұзды, Шідерті ауылдық кеңестері болды.
1976 жылы 9 қаңтарда Мирный ауылдық кеңесі құрылды.
1981 жылы 24 тамызда Тұзды ауылдық кеңесі Тельман ауданына берілді.
1989 жылы 1 қаңтар бойынша аудан құрамында Молодёжный, Қушоқы кенттері мен Вольский, Дальний, Ертіс, Мирный, Пролетар, Родников, Тельман, Трудовой, Шідерті ауылдық кеңестері болды.
1990 жылы 23 мамырда Қаратомар ауылдық кеңесі (орталығы Сенокосное а.) құрылды. Қушоқы кенті Тельман ауданына берілді.
1991 жылы 27 маусымда Звёздный ауылдық кеңесі (орталығы Звезда а.) құрылды.
1997 жылы 23 мамырда Молодёжный ауданы таратылып, Молодёжный кенті мен Вольский, Дальний, Звёздный, Ертіс, Қаратомар, Мирный, Пролетар, Родников, Тельман, Трудовой, Шідерті ауылдық округтері Осакаров ауданына қосылды.[2]
Халқы
өңдеу| 1979 | 1989[3] |
|---|---|
| 25276 | ▲28383 |
Дереккөздер
өңдеу- ↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5
- ↑ Қарағанды облысының әкімшілік-аумақтық құрылысының тарихы бойынша анықтамалық (29 шілде 1936 ж. - 1 қаңтар 2006 ж.)
- ↑ Ресей империясы, КСРО халық санақтары
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|