Сарыбел ауданы

Сарыбел ауданы (2022 жылға дейін Осакаров ауданы) — Қарағанды облысының солтүстігіндегі әкімшілік бөлік. Аудан 1940 жылы құрылған. Аумағы 11,2 мың шаршы километрге тең. Орталығы – Осакаровка кенті.

Қазақстан ауданы
Сарыбел ауданы
Әкімшілігі
Облысы	Қарағанды облысы
Аудан орталығы	Осакаровка
Ауылдық округтер саны	22
Кенттік әкімдіктер саны	2
Ауыл саны	52
Әкімі	Руслан Есенбекұлы Нұрмұханбетов
Тарихы мен географиясы
Координаттары	50°34′12″ с. е. 72°34′38″ ш. б.50.57000° с. е. 72.57722° ш. б. / 50.57000; 72.57722
Құрылған уақыты	1940
Жер аумағы	11,2 мың км²
Уақыт белдеуі	UTC+6:00
Тұрғындары
Тұрғыны	30 253 адам (2023)
Ұлттық құрамы	қазақтар (44,60%), орыстар (33,29%), немістер (6,21%), украиндар (5,18%), татарлар (2,36%), беларустар (1,87%), шешендер (1,54%), гректер (1,08%), басқа ұлт өкілдері (3,87%)
Сандық идентификаторлары
Пошта индексі	101700-101726
Автомобиль коды	09

Халқы

Тұрғындары 31 243 адам (2019). Ұлттық құрамы: қазақтар (44,60%), орыстар (33,29%), немістер (6,21%), украиндар (5,18%), татарлар (2,36%), беларустар (1,87%), шешендер (1,54%), гректер (1,08%), басқа ұлт өкілдері (3,87%).

Әкімшілік бөлінісі

52 елді мекен 2 кенттік әкімдік пен 21 ауылдық округке біріктірілген:

• Ақбұлақ ауылдық округі
• Батпақты ауылдық округі
• Ертіс ауылдық округі
• Есіл ауылдық округі
• Жансары ауылдық округі
• Звездный ауылдық округі
• Қарағайлы ауылдық округі
• Қаратомар ауылдық округі
• Құндызды ауылдық округі
• Маржанкөл ауылдық округі
• Молодежный кенттік әкімдігі
• Мирный ауылдық округі
• Николаев ауылдық округі
• Озерный ауылдық округі
• Осакаровка кенттік әкімдігі
• Пионер ауылдық округі
• Родников ауылдық округі
• Садовый ауылдық округі
• Сарыөзек ауылдық округі
• Сұңқар ауылдық округі
• Тельман ауылдық округі
• Трудовой ауылдық округі
• Шідерті ауылдық округі

Ауыл шаруашылығы

2006 жылы ауыл шаруашылығы өнімінің айтарлықтай бөлігін мал шаруашылығы құрады. Ауданда ауыл шаруашылығы өнімін өндіруге 660,2 мың гектар ауыл шаруашылығы жерлер пайдаланылады, оның ішінде 410,3 мың га - егістік алқаптар. 2006 жылғы астыққа 256,7 мың га ауыл шаруашылығы дақылдары егілетін егістік жерлер пайдаланылды, оның ішінде 200,7 мың га дәнді дақылдар, картоп – 0,8 мың га, көкөніс – 0,3 мың га.

• 2006 жылы 120,9 мың тонна дәндер, 14,0 мың тонна картоп, 6,2 мың тонна көкөніс дақылдары, 10,1 мың тонна ет (тірі салмақта); 44,3 мың тонна сүт, 5016,3 мың дана жұмыртқа өндірілді.
• 2007 жылғы 1 қаңтарғ: ірі қара мал саны 34,4 мың бас; қой мен ешкі – 23,5 мың бас; шошқа – 15,6 мың бас; жылқы - 4,5 мың бас; құс – 54,5 мың басты құрады.
• Өндірілетін өнеркәсіптік өнімнің негізгі түрлері: нан және нан өнімдерін, ұн, өсімдік майы, табиғи су.

2006 жылғы өндірістік өнім көлемі (үй шаруашылық есебінсіз) 1833,1 млн. теңгені құрады.

Әлеуметтік құрылымдары

• 49 күндізгі жалпы білім беретін мектептер жұмыс істейді, онда 7067 оқушы оқиды;
• 35 кітапхана;
• 33 клуб типті мекеме;
• 1 кино көрсету қызметін жүзеге асыратын ұйым;
• 1 мұражай;
• 1 мәдениет және демалыс паркі жұмыс істейді.

2006 жылғы ауданның ірі және орта кәсіпорындар жұмыскерлерінің тізімдік саны 3420 адамды құрады, орташа атаулы еңбекақы 21233 теңге. Жылдық деректер бойынша 2006 жылы негізгі капиталға инвестициялар 2215,9 млн. теңге сомасында игерілді, бұл 2005 жылғы көлемінен 101,8%-ды құрайды. Кәсіпорындардың өз күштерімен орындаған мердігерлік жұмыстар көлемі 2006 жылы 185,0 млн. теңгені немесе 2005 жылғы көлемнің 68,1%-ын құрады. 2006 жылғы бөлшек тауар айналым көлемі (қоғамдық тамақтандыру қызметің есепке алмағанда) 954,2 млн. теңге шамасында құралды, қызмет көрсету көлемі (мемлекеттік басқару қызметінсіз) – 94,5 млн. теңге.