Монилиоз
Монилиозды шірік — алма мен алмұрттың аса зиянды ауруы. Сүйекті жеміс дақылдарынан бұл ауруға алхоры шалдығады. Аурудың бірінші белгілері алма пісе бастаған кезде білінеді. Алғашқы кезде оның үстінде оймақтай қоңырқай дақ байқалады. Ол тез үлкейіп, тұтасымен жемісті шірітіп жібереді. Ауа райы ылғалды болса залалданған жемістерде сарғыш күлгін саңырауқұлақтың споралану органы түзіледі. Аурудың инкубац. мерзімі және белгілері алма сорттарына байланысты құбылмалы келеді. Бұл ауруға апорт, алатау арайы, пеструшка, голден делишес, грушовка верненская сорттары аса бейім келеді, ал старкримсон азырақ шалдығады. Алмұрт бұл ауруға толық пісе бастаған мезгілде шалдығады. Кесел, көбінесе жемістің құстар шұқыған жеріне түседі. Ауруға шалдыққан жемістер ішінен шіри бастайды, бар жоғы 5 – 10 күнде ол тұтасымен қоңырқай тартып, немесе қарайып кетеді. Қоздырғышы кеуіп қалған жемістерде күзде және қыста сақталады. Бір жемістен екіншісіне олар бір-бірімен түйіскенде жұғады немесе ауа арқылы таралады. Аурудың дамуын тежеу үшін залалданған жемістерді мезгілінде жинап, көміп тастайды. Алдын алу үшін ерте көктемде бақты бордо сұйықтығының 3%-ды ерітіндісімен бүрку, вегетация кезінде жеміс жегілеріне қарсы инсектицидтер қолдану керек.[1]
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев — Алматы «Қазақ энциклопедиясы» Бас редакциясы, 1998 ISBN 5-89800-123-9, XI том 27 бет.
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |