Мукопротеидтер

Мукопртоидтер (синонимдері: мукоидтер, муциндар) — құрамында мукополисахарид болатын күрделі ақуыздар.

Мукопртоидке жануарлар ұрығы қанынан алынған фетуин, жануарлар несебінде болатын уромукопротеид, қан құрамындағы мукопртоидтердің ерекше топтары, энтеропептидаза, протромбин, тромбин, гаптоглобин, тиреоглобулин, орсомукоид, церуллоплазмин, овомукоидтер т. б. жатады. Көптеген мукопртоидтердің физиологиялық ерекше қасиеттері болады (гормондар, ферменттер). Организмнің инфекция қоздырғыштарына реакциясы мен иммунитет құбылысында мукопртоидтердің маңызы үлкен. Мукопртоидтердің қандағы концентрациясы организмнің физиологиялық және патологиялық (мысалы, гепатит) жағдайына байланысты өзгереді.