Міндетті ұғыну

Міндетті ұғыну (орыс. Уяснение задачи) — қолбасшының (командирдің) операцияға (ұрысқа) кірісер алдында шығаратын алғашқы шешімі.

Міндетті ұғыну процесінде қолбасшы алдында тұрған операцияның (ұрыстың) мақсатын, өзінен жоғары басшылар қойған міндеттің мазмұнын, өз бірлестігінің (бөлім, бөлімшенің) жоғарғы жақтан берілген міндетті орындау амалдары мен оперативті жағдайды (әскери шепте тұрған орнын, көршілердің тұрған орнын және олармен байланыс), жүктелген міндеттің ерекшеліктері мен орындалу мерзімін анықтап алады. Міндетті ұғыну барысында берілген міндетті орындау және операцияға (ұрысқа) дайындалу үшін кімге және қашан, кандай ұйымдастыру шаралары жүктелгені жөнінде қосымша шешімдер қабылданғаны анықталып отырады.