Мүйізжеміс

Мүйізжеміс (лат. Carpoceras) – орамжапырақ тұқымдасына жататын бір жылдық шөптесін өсімдіктер. Өзен жағалауларында, тұзды-батпақты, сортаңды жерлерде өседі. Қазақстанда – ұзынмүйізді мүйізжеміс (C. ceratocarpum) көп кездеседі. Оның биіктігі 10 – 30 см. Сабағы тік, төменгі жағындағы жапырақтары жұмыртқа тәрізді, сағағы қысқа болады. Сабақтағы жапырақтары қандауыр тәрізді, шеті тегіс, кейде аздап иректеліп келеді. Гүлдері ақ түсті, тығыздалып шашақ гүлшоғырына топталған. Мамыр – шілде айларында гүлдеп, жеміс салады.