Мұзаппар Дайыров

Дайыров Мұзаппар (15.3.1914 жылы туған, Ресей, Астрахан облысы, Қарабайлы ауданы, Ақтөбе ауылы) — қоғам және мемлекет қайраткері. Саратовтың қаржы-жоспарлау техникумын, Астраханның партия-кеңес мектебін (1935), Қазақстан КП ОК Жоғары партия мектебін (1939), кейін ҚазМУ-дың заң факультетін бітірген. 1932-47 ж. аралығында ұжымшар есепшісі, ауданы комсомол комитетінің хатшысы, Орда, Жаңақала ауданы партия комитетінің 1-хатшысы болған. 1947-68 ж. Қазақ КСР Жоғары Кеңесінің хатшысы, Ақмола, Павлодар, Солтүстік Қазақстан облысы пария комитетінің хатшысы, 1- хатшысы, Семей облысы атқару комитетінің төрағасы. 1968-82 ж. Қазақстанның дайындау министрі болды. Бірнеше орден, медальдермен марапатталған.