Мұнайшы (қоғамдық қор)

Мұнайшы, қоғамдық қоры - 2004 жылы республиканың мұнай-газ өнеркәсібінің бір топ ардагерлері мен ұйымдастырушылары тарапынан ардагерлер мен зейнеткер мұнайшылардың әлеуметтік проблемаларын шешуге көмектесу, олардың мол тәжірибесі мен білімін мұнай компанияларының тапсырыстарын орындауға пайдалану, олардың сіңірген еңбектерін насихаттау, ҚазақстанРеспубликасындагы атақты мұнайшылар мен мұнай-газ саласындағы дәстүрлі династиялардың есімдерін мәңгілікке қалдыру мақсаттарында құрылған қоғамдық қор. Жеке тұлғалар мен заңдық тұлғалардың өз еркімен ұсынған қаражаты есебінен, сол сияқты қордың жоғары білікті және еңбекке жарамды сала ардагерлерінен құралған шығармашылық ұжымының табысы есебінен жұмыс істейді. Қор мерейлі даталарды атап өту, мұнайлы аймақты игеру тарихы мен жылнамасын басып шығару, ардагерлердің естеліктерін шығару арқылы ұрпақ жалғастығын қамтамасыз етуге баса назар аударады. Толықтырылған және жаңадан өңделген "Қазақстанның мұнай энциклопедиясын" қайтадан басып шығару бағытындағы жұмыстар істелуде. Ұлы Отан соғысына қатысушылар және олардың отбастары, тыл ардагерлері, соғыс жылдарында еңбек еткен әйелдер мен жасөспірімдер де қор қамқорлығын сезінетін болады. Қор құрамында бірнеше аймақтық үйлестірушілер бар, олар жергілікті әкімшілік органдармен, мұнай компанияларымен қоян-қолтық жұмыс істейді.