Мұрат Кәдесұлы Орынханов

Орынханов Мұрат Кәдесұлы (30.3.1952 жылы туған, Шығыс Қазақстан облысы Семей қаласында) – физика-математикалық ғылымының докторы (2000).

• 1974 Новосибирск мемлекеттік университетін бітірген.
• 1974-1979 КСРО Ғылым Академиясының Сібір бөлімшесінің есептеу орталығында стажер-ізденуші, аспирант
• 1969-1982 Новосибирск мемл. университетінде кіші ғылым қызметкер
• 1982-1994 ҚазМУ-да (қазіргі ҚазҰУ) ассистент, аға оқытушы, доцент, декан
• 1994-2001 оқу ісі жөніндегі проректоры
• 2001-2003 кафедра меңгерушісі
• 2003-2008 декан болды.
• 2008 жылдан проректор қызметін атқарады.
• 2011 жылдың 7 ақпанынан бастап ҚР БҒМ Білім және ғылым саласындағы бақылау комитеті төрағасының міндетін атқарушы болып істейді.

Оқу жолы

Орынханов Мұрат Қадесұлы Новосибирск мемлекеттік университетінің математика факультетін, кейін КСРО есептеу орталығының аспирантурасын тамамдаған. Әл-Фараби атындағы ҚазҰУ-да қолданбалы математика кафедрасының ассистенті, аға оқытушысы, доценті, математикалық модельдеу кафедрасының меңгерушісі, механика-математика факультетінің деканы, оқу жұмысы жөніндегі проректоры қызметтерін атқарған. Есептеу математикасы және математикалық үлгілеу саласы бойынша жоғары білікті маман.

Ғылыми жұмыстар

50-ден астам ғылым жарияланымның авторы.
60-тан астам ғылыми жұмыстары еліміздің және шетелдік ғылыми басылымдарында жарық көрген. Олардың қатарында монографиялар және университет студенттеріне арналған оқулықтар бар.
«Метод фиктивных областей для задач гидродинамики с неоднородными граничными условиями» деген тақырыпта докторлық диссертация қорғады.

Қосқан үлесі

«Численные методы» курсы бойынша дәріс оқыған, есептеу математикасы бойынша бірқатар курстар өткізген. Қазақстан Республикасының Ғылым және білім министрлігі қаржыландыратын ғылыми жобаның жетекшісі. Сондай-ақ, оқу жүйесінің дамуына, ғылыми жұмыстың жандануына, ғылыми-зерттеу жұмысына студенттерді тартып, университеттегі сапа менеджментінің халықаралық жүйесінің және кредиттік оқу технологиясының енуіне бағытталған жұмыстарды атқарған. Білім және ғылым вице-министрі..

Қара

Қазақстан Республикасы білім және ғылым министрлігі Мұрағатталған 30 мамырдың 2011 жылы.