Мұрат Мақсұтұлы Мақсұт

Мұрат Мақсутұлы Мақсұт (1.01.1946 жыл, Шығыс Қазақстан облысы Ұлан ауданы Есенгелді ауылы) - театр суретшісі. Қазақ.

Өмірбаяны

Н.В. Гоголь атындағы Алматы көркем училищесінің театр декорациясы факультетін бітірген (1972), суретші-декоратор.
1963 жылдан - Ұлан бидай өсіру кеңшарында ағаш ұстасының шәкірті.
1972 жылдан - қоюшы суретші, 1980 жылдан - С.Сейфуллин атындағы Қарағанды облыстық драма театры|Қарағанды облыстық қазақ музыкалық драма театрының бас суретшісі.
1990 жылдан - «Қазақ мұражай реставрация» Республикалық мамандандырылған көркем шеберхананың (РМКШ) көркемдеуші суретшісі.
1991 жылдан - Ж. Аймауытов атындағы Ж. Аймауытов атындағы Павлодар облыстық қазақ музыкалық драма театрының бас суретшісі.
1993 жылдан - Қ. Қуанышбаев атындағы Ақмола облыстық қазақ музыкалық-драма театрының қоюшы суретшісі (Астана ).
1999 жылдан бері - Ш. Құсайынов атындағы Көкшетау облыстық қазақ музыкалық драма театрының бас суретшісі.

Шығармашылығы

Қ.Мұхамеджановтың «Бөлтірік бөрік астында» комедиясы - дарынды өнерпаздың театр сахнасында алғаш көркемдеген спектаклі (1972). М.Әуезовтің «Еңлік-Кебек»(1973) пен «Дос - бедел дос» (1981), Д.Исабековтің «Әпке» (1980), С. Мұқановтың «Шоқан Уәлиханов» (1982), С.Жүнісовтің «Өліара» (1982), Ғ.Мүсіреповтің «Қозы Көрпеш - Баян Сұлу» (1984), М.Кәрімнің «Ай тұтылған түні», А.Островскийдің «Найзағай» (1975), Н.Гогольдің «Үйлену» (1976), У.Шекспирдің «Макбет» (1979) пен «Асауға тұсау» (1984), «Отыз ұлың болғанша...» («Арбаң аман болсын», 1984), тағы басқа спектакльдердің декорациясың жасады.^[1]

Марапаттары

«Астана» (1998), «Ерен еңбегі үшін» (2005) медальдарымен марапатталған. ҚР Мемлекеттік сыйлығының (1986), Республикалық театр байқауларының (1995, 1998, 2001, 2004) лауреаты.

Отбасы

Әкесі - Рахымбаев Мақсұт (1900-1963). Анасы - Сәденова Бағила (1905-1961).
Үйленген. Жұбайы - Елубаева Жанат Елубайқызы (1945 жылы туған).
¥лдары - Мақсұтов Қанат (1970 жылы туған), Мақсұтов Ерлан (1973 жылы туған), Мақсұтов Жарас (1978 жылы туған), Мақсұтов Алмас (1983 жылы туған).^[2]

Дереккөздер

↑ Мақсұтов Мұрат
↑ Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Мақсұтов Мұрат

[2] Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2

[1]

[2]