Мұрат Ноянбайұлы Ахманов

Мұрат Ноянбайұлы Ахманов (1959 жылы 1 маусымда Алматы облысы Райымбек ауданында туған) — актер, театр режиссері. Қазақстанның еңбек сіңірген әртісі (1998). Құрмет орденінің иегері (2012).

Мұрат Ноянбайұлы Ахманов
Жалпы мағлұмат
Туған күні	1 маусым 1959 (1959-06-01) (65 жас)
Туған жері	Алматы облысы Райымбек ауданы
Азаматтығы	КСРО  Қазақ КСР  Қазақстан
Мамандығы	актер театр режиссері
Белсенді жылдары	1976 жылдан
Бағыты	драма, мелодрама
Марапаттары	Құрмет ордені

Толығырақ

• Мұрат Ноянбайұлы Ахманов 1959 жылы 1 маусымда Алматы облысы Райымбек ауданы Ұзынбұлақ ауылында дүниеге келген
• 1971 - 1976 жылдары Алматы хореографиялық училищесін үздік бітірген. Алғашқы еңбек жолы 1976 жылдың тамыз айынан «Қазақ ССР-нің ән-би ансамблінде» балет артисі болудан бастау алады.
• 1980 - 1984 жылдары Т.Жүргенов атындағы Қазақ ұлттық өнер академиясы (бұрынғы Алматы театр және көркемсурет институты)ның актерлік бөлімін бітірген.
• 1994 - 1998 жылдары Т.Жүргенов атындағы Қазақ ұлттық өнер академиясының режисерлік бөлімін бітірген.

Еңбек жолы

• 1976 жылы «Қазақ ССР-нің ән-би ансамблінде» балет артисі болудан бастау алады.
• 1984 - 1993 жылдары Бикен Римова атындағы Талдықорған қалалық қазақ драма театрының қоюшы режиссері
• 1999 - 2001 жылдары С. Қожамқұлов атындағы Жезқазған қазақ музыкалық драма театрының бас режиссері
• 2001 - 2005 жылдары қазіргі Хадиша Бөкеева атындағы Батыс Қазақстан облыстық қазақ драма театрының бас режиссері
• 2005 - 2010 жылдары Б.Римова атындағы Талдықорған облысының қазақ драма театрының директоры әрі көркемдік жетекшісі болды.
• 2010 жылдан Ғабит Мүсірепов атындағы Қазақ Мемлекеттік Академиялық балалар мен жасөспірімдер театрының қоюшы режиссері.

Марапаттары

• 1998 жылы ҚР Президентінің жарлығымен Қазақстанның еңбек сіңірген әртісі құрметті атағы берілді.
• 2012 жылы — Құрмет ордені

Отбасы

• Жары: актриса, Қазақстанның еңбек сіңірген қайраткері Хазима Нұғманова
• Екі ұл, бір қызы бар.