Мұрын жүзігі

Мұрын жүзігі – қолөнер туындысы. Мұрын жырау 1899 жылы Хожеліден Маңғыстауға көшіп келіп, Форт-Александровск (қазіргі Форт-Шевченко) қаласына орналасады. Осы кездері ол зергерлік өнермен түбегейлі айналысып, өзінің мөр сақинасын (жүзігін) жасайды. Жыраудың баласы Дәуітбайдың айтуы бойынша сақинаның бетіне жазылған жазуды Мұрын сол кезде Кетік қаласында бір дағыстан шеберіне жаздырып алады да, соған қарап отырып сақина бетіне өзі ойып түсірген көрінеді. 1942 жылы Мұрын жырау Алматы қаласында болған кезінде 36 батыр туралы жыр жаздырады; сол Мұрын жаздырған жыр мәтінінің әр бетіне жырау өзі аты жазылған жүзігімен мөр басып отырған. Осы Мұрын жыраудың жүзігі кейін Алматы қаласындағы Орталық мұражайға тапсырылмай қалады. 2001 жылы ғана Бесқаладан келіп облыс мұражайға тапсырылған зергерлік бұйымдардың ішінде Мұрын жүзігі де болады. Осылайша Мұрын жүзігі бір ғасырдан кейін туған топырағына қайта оралды.