Мұсабек Сеңгірбаев
Мұсабек Сеңгірбаев (17.3. 1917, Алматы облысы, Көксу ауданы, Қызыларық ауылы - 16.11.1941, Мәскеу облысы, Волоколам ауданы,Дубосеково деревнясы) — 2-дүниежүзілік соғысқа қатысушы,қазақ. 1941 жылға дейін ұжымшарда трактор жүртізуші болып жұмыс істеген. 1941 жылы Кеңес әскері қатарына алынды. Осы жылдың 16 қарашасында Сеңгірбаев Дубосеково темір жолы айырмасында танкіге қарсы шайқасатын топтың құрамында жаудың бірнеше шабуылын тойтаруға және 18 танкісін жоюға қатысты. Бұл ерлік тарихта 28 батыр-панфиловшылар ерлігі деген атпен қалды. Осы шайқаста Сеңгірбаев ерлікпен қаза тапты. Волоколам ауданы,Нелидово деревнясындағы бауырластар зиратына жерленген. КСРО Жоғарғы Кеңесі Төралқасының Жарлығымен Сеңгірбаевқа Кеңес Одағының Батыры атағы, Ленин ордені және «Алтын Жұлдыз» медалі берілді (21.7.1942)[1].
Алматы облысы,Көксу ауданы,Балпық би кентіндегі саябақ пен бір көшеге Сеңгірбаев есімі беріліп, бюст орнатылған. Туган жеріндегі ауыл мен мектепке есімі берілген. Олардың кұрметіне 1975 жылы Дубосековода мемориал, Нелидово деревнясында (Дубосеково темір жолы айырмасынан 1,5 шақырым жерде) батыр-панфиловшыларға ескерткіш орнатылып, мұражай ашылды. Алматы қаласында 28 гвардияшы-панфиловшылар атындағы саябақ бар, онда оларға арналып монумент қойылған және бір көшеге Сеңгірбаев есімі берілген.[2]
Дереккөздер
өңдеу- ↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 21 июля 1942 года // Ведомости Верховного Совета Союза Советских Социалистических Республик : газета. — 1942. — 23 июля (№ 28 (187)). — С. 1.
- ↑ А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |