Мұхамет Ақтанов

Мұхамет Ақтанов (1850, Орал облысы, Орданың орта бөлігі, Затон форпостының маңы, өлген жылы белгісіз) қазақтың алғашқы арнаулы білімді мал дәрігері. 1869 ж. Орынбор облыстық басқармасының жанындағы қазақ мектебінің дайындық класына түседі. 1870-1877 ж. Орынбор ерлер гимназиясында 6 класс оқиды. 1877-82 ж. Қазан ветеринария институтында оқып, «мал дәрігері» мамандығы бойынша 160/ 570 нөмірлі диплом алған. Ақтанов — Ресей жоғары оқу орнында оқып, ресми түрде мал дәрігері мамандығын алған тұңғыш қазақ. 1883 ж. 23 қарашадан Ырғыз және Торғай уездерінің мал дәрігерлік бөлімін басқарды, 1884 ж. 4 желтоқсаннан Торғай уезінің мал дәрігері. «Коллеж секретарь» атағын алған (12.03.1890). Ол 1893 жылдың шілде айынан бастап Архангельск губерниясындағы селолық жерлерде мал дәрігері болып қызмет істеген. Бұдан кейінгі өмірі туралы дерек жоқ.

Пайдаланған әдебиттер

• Ветеринария Казахстана, А., 1970.

<references>