Мұхит Ғазизұлы Мырзалиев-Ақанаев

Мұхит Ғазизұлы Мырзалиев-Ақанаев (12.01.1989, Алматы) - фотограф.

Әкесі - Ғазиз Қадырұлы Мырзалиев (1970 жылы туған), кескіндемеші. Анасы - Ботагөз Амандосқызы Ақанаева (1971 жылы туған), кескіндемеші.

• А. Ақанаев пен Л. Оразбекованың Мектеп-студиясының өнертану, кескіндеме, сурет және композиция факультетін бітірген (2005), суретші-мәдениеттанушы.
• Бейнелеу өнерінің түрлері - кескіндеме, графика және мүсін, көркем фото.
• Арт-нысандар-«Музыканттар», «Бетперделі әйел», «Панк-Дива», «Күнсұлу», «Гербарий», «Ұлы қорған» Қуыршақтар циклының; «Қала рухы» циклынан «Темір текті анархист», «Сақтардың аң стилі» жұмыстар циклының авторы.
• 2005 жылдан - «Shahar культура» журналының штаттан тыс фотографы.
• Кескіндеменің топтық көрмесі (Лаваль қаласы, Канада, 1998), «Ұлы көшпенділер алаулары» (Астана қаласы, 2001), Ә. Қастеев атындағы өнер мұражайындағы (2004) отандық және халықаралық көрмелерге қатысқан.
• Жұмыстары «Шежіре», «Has-Sanat» және басқа галереяларда қойылған.
• Жұмыстары Қазақстан, Канада, Испанияның мәдени қорлары жинақтарында, сондай-ақ Қазақстан, Венгрия, АҚШ, Канаданың жеке коллекцияларында сақталуда.
• ЮНЕСКО жанындағы сыншылар мен өнертанушылардың Халықаралық Ассоциациясы (АІСА) ұлттық секциясының мүшесі.
• ҚР Көркемөнер академиясының графика бөлімінің мүшесі.
• ЮНЕСКО жобасы - халықаралық «Балалар әлемді суретке салады» конкурсының лауреаты. «Шабыт» жастар конкурсының 2-ші сыйлығымен және медалімен мараптталған (Астана қаласы, 2006).
• Бойдақ.