Мұқамедия Бөкенов

Мұқамедия Бөкенов (1924-2001), комсомол, партия, кеңес қызметкері. Жаңаарқаның түлегі. Республикалық партия мектебін, Абай атындағы Қазақ мемлекеттік педагогикалық институтын (1949), КОКП ОК жанындағы Жоғары партия мектебін (1966) бітірген. Ұлы Отан соғысына (1941-1945) қатысқан. Жаңаарқа ауданы комсомол комитетінің, Қарағанды облысы комсомол комитетінің 1-хатшысы, Ленин аупарткомының 2-хатшысы болып сайланды. Облыстық партия комитетінің бөлім меңгерушісі, партия комиссиясының төрағасы болды. 1985-1987 жылдары облатком төрағасының орынбасары. Зейнетке шыққаннан кейін «Бейбітшілік қорғау және кеңестік бейбітшілік қоры» төрағасының орынбасары міндетін атқарды».

Қызыл Жұлдыз, 1-дәрежелі Отан соғысы, 2 рет «Құрмет Белгісі» ордендерімен марапатталған. Қарағанды қаласының құрметті азаматы (1995). Ол тұрған үйге (Бұқар жырау даңғылы 53) мемориалдық тақта (2002) қойылды.