Мұқанов атындағы көше (Алматы)

Көшеге қоғам және мемлекет қайраткері, қазақтың белгілі жазушысы, Қазақ КСР Ғылым академиясының академигі Сәбит Мұқановтың есімі (Алматы қаласы атқару комитетінің 08.10.1973 №370 шешімі) берілген. Мұқанов Сәбит (1900-1973) Солтүстік Қазақстан облысы Жамбыл ауданында дүниеге келген. Ол - «Ботагөз», «Сырдария», «Аққан жұлдыз», «Адасқандар», т.б.романдардың авторы. Қазақ КСР Жазушылар Одағы басқармасының төрағасы, «Қазақ әдебиеті» газетінің бас редакторы қызметтерін атқарған.Көше Алмалы ауданында орналасқан. Мақатаев көшесінен басталып, Абай даңғылына дейінгі аралықта созылып жатыр. Гоголь, Төле би, Жамбыл, Шевченко көшелерін қиып өтеді. Бұрынғы атаулары: Строительная; Пограничная; Садовая көшелері. Көшенің ұзындығы - 2800 метр.