Мәдениорталықшылдық

Мәдениорталықшылдық - индустриализм дәуірінің үстемдік етуші үрдісі ретіндегі "техноцентризм" ұғымына антитеза және балама. Жаһандануға қатысты мәдениорталықшылдық осы процестің дуалистік табиғатын ескереді. Теориялық және әдістемелік тұрғыда экономика, саясат және мәдениет әлемдерінің өзара ықпалдасуы, әрекеттесуі бұрыннан қарастырылып келеді. Бұл триадада бүкіл адамзат өмірін заңдастыру және құндылықты, мақсатты қамтамасыз етуші фактор ретінде мәдениет ерекше орын алады және ерекше рөл атқарады. Мәдениорталықшылдық аясында өнегелік, діни және адамдық факторлардың мәртебесін көтеру түсініледі. Мәдениорталықшылдық түсінігі жаһандану процесі қай бағытқа бұрылса, тұтынушы қоғамның ұстанымдары мен құндылықтарының орнына келіп, жаңа түрдегі өркениеттік құрылымның рухани негізі болатын жаңа өмірлік мән мен құндылықтарды білдіреді.