Мәдина Оразова

Мәдина Оразова (1924 ж.т., Казталов ауданы, Жалпақтал ауылы) - еңбек ардагері, экономика ғылым кандидаты (1955). Еңбекжолын Талдықұдық ауылындағы 7 жылдық мектебінде мұғалім болып бастады. Кейін бұрынғы Фурманов ауданы комсомол комитетінің хатшысы, аудандық мәдениет бөлімінің меңгерушісі. 1948 ж. Орал педагогикалық институтының тарих факультетіне оқуға түсіп, сырттай бітіріп шықты. Жұмыс бабымен облыстық қаржы бөліміне ауысып, КСРО қаржы министрлігінің арнаулы академиясында білім алды. Сол кездегі одақтық қаржы министрі А.Г.Зверев пен Мемлекеттік жоспарлау комитеті төрағасының орынбасары С.А.Ситарянның жетекшілігімен республика әйелдері арасында тұнғыш рет финанс тақырыбына кандидат диссертация қорғады. Ұзақ жыл бойы облыстық қаржы бөлімі бастығының орынбасары міндетін атқарды. Қазір құрметті демалыста. «Құрмет Белгісі» орденімен, бірнеше медалмен марапатталған.