Мәди Абылайұлы Ахметов
Мәди Абылайұлы Ахметов (18 қыркүйек 1995, Алматы) — қазақстандық қоғам және саяси қайраткері, Қазақстан Республикасы Парламенті Мәжілісінің VII-сайланым депутаты (2021-2023). Тәуелсіз Қазақстан тарихындағы ең жас парламент депутаты (қызметіне кіріскен күні 25 жас 3 ай 28 күн).
| Мәди Абылайұлы Ахметов | ||||
| ||||
| Лауазымы | ||||
|---|---|---|---|---|
| ||||
| 15 қаңтар 2021 — 19 қаңтар 2023 | ||||
| Өмірбаяны | ||||
| Партиясы | Аманат | |||
| Білімі | Әл-Фараби атындағы Қазақ ұлттық университеті | |||
| Дүниеге келуі | 18 қыркүйек 1995 (29 жас) Алматы, Қазақстан | |||
өңдеу  |
||||
Өмірбаяны
өңдеу2017 жылы Әл-Фараби атындағы Қазақ ұлттық университетін «Журналистика» (әлеуметтік ғылымдар бакалавры), 2019 жылы «Саясаттану» (әлеуметтік ғылымдар магистрі) мамандығы бойынша тәмамдады.
Еңбек жолын әл-Фараби атындағы ҚазҰУ-дың журналистика факультетінің «Медиасфера» гуманитарлық орталығында ғылыми стажер болып бастады. «Қазақ елі» республикалық экспедициясына қатысты.
2017 жылы 28-Дүниежүзілік қысқы Универсиада кезінде 500 еріктінің жұмысын үйлестірді.
2017-2018 жылдары «Нұр Отан» партиясы қарамағындағы «Жас Отан» жастар қанатының Алматы қалалық филиалының төрағасы қызметін атқарды. 2018 жылдың сәуір айынан тамыз айына дейін Халықаралық бизнес университетінде қоғаммен байланыс жөніндегі менеджер қызметін атқарды[1].
2018 жылдың қыркүйегінен 2019 жылдың ақпан айына дейін «Халықаралық ақпараттық технологиялар университеті» АҚ деканының тәрбие ісі жөніндегі орынбасары қызметін атқарды.
COVID-19 пандемиясы кезінде «Біз Біргеміз» акциясы аясында Алматы қаласындағы 200 жасотандық еріктілердің жұмысын үйлестірді. Сондай-ақ, Арыс қаласындағы оқ-дәрілер қоймасының жарылысынан және Түркістан облысы, Мақтаарал ауданындағы су тасқынынан зардап шеккендерге көмек көрсетуге қатысты.
2019 жылы Алматы қалалық Қоғамдық кеңесінің мүшесі болып сайланды.
2021 жылғы 15 қаңтардан 2023 жылғы 19 қаңтарға дейін — Қазақстан Республикасы Парламенті Мәжілісінің 7-сайланым депутаты, «Нұр Отан» партиясы фракциясының мүшесі (2022 жылы «Аманат» партиясы болып өзгертілді)[2].
2023 жылғы 23 желтоқсаннан бастап — Алматы облысының жастар саясаты мәселелері басқармасының басшысы болды[3].
Сын
өңдеуАса жағымпаз тұлға ретінде халықтын сынына ұшырады.[4]
Марапаттары
өңдеу- Халық алғысы медалі (2020)
Дереккөздер
өңдеу- ↑ Мәди Ахметов туралы не білеміз?. oinet.kz. Тексерілді, 19 қаңтар 2021.
- ↑ Мәжілістегі болашақ депутаттардың толық тізімі. mail.kz. Тексерілді, 13 қаңтар 2021.
- ↑ Мәди Ахметов жаңа қызметке тағайындалды. bugin.kz (25 желтоқсан 2023). Тексерілді, 25 желтоқсан 2023.
- ↑ https://orda.kz/snova-ne-ugodil-peticiju-za-otstavku-madi-ahmetova-zapustili-kazahstancy-380744/