Мәжит Белғожаұлы Түменов

Мәжит Белғожаұлы Түменов

Мәжит Белғожаұлы Түменов

1914 жылы 10 тамызда Алматы облысы Жамбыл ауданы Аңырақай ауылында туған. Қазақ.

Әкесі - Түменов Белғожа. Анасы - Түменова Тастан. Қазақ мемлекеттік коммунисттік журналистика институтының журналистика факультетін бітігрен (1937), журналист.

«Жетісу», «По ленинскому пути», «Сталин туы» газеттеріндегі 100-ден астам жарияланымдардың авторы.

Қазақ, орыс, ағылшын және араб тілдерін біледі.

КОКП мүшесі (1944 жылдан).

1938 жылдан - Радиокомитеттің, «Вожатый» журналының журналисі . 1939 жылдан - Қызылорда қаласы облкинофикациясының директоры. 1940 жылдан - Жамбыл облыстық газетінің журналисі . 1941-1944 жылдары – 117 зеңбірек полк құрамында Ұлы Отан соғысының қатысушысы. Мәскеу қаласы қорғанысына қатысушы. 1944 жылы зақым алып, Қазақстанға оралған. 1944 жылдан - Алматы облысы Іле ауданының «Сталин туы» газетінің редакторы (Талғар қаласы). 1953 жылдан - Алматы облысы Нарынқол ауданының «Советтік шекара» газетінің редакторы. 1957 жылдан - Алматы облысы Жамбыл ауданының «По ленинскому пути» газетінің редакторы. 1958 жылдан - Алматы облыстық «Жетісу» газетінің тілшісі. Алматы, Жамбыл облыстық Халық депутаттар кеңесі депутаты (1946, 1950, 1953).

«1941-1945 жылдарындағы Ұлы Отан соғысы Жеңісінің жиырма жылдығы» (1965), «1941-1945 жылдарындағы Ұлы Отан соғысында Германияны жеңгені үшін «1941-1945 жылдарындағы Ұлы Отан соғысы Жеңісінің отызжылдығы» (1975), «КСРО Қарұлы Күштерінің 50 жылдығы» (1975), «1941-1945 жылдарындағы Ұлы Отан Соғысындағы ерлік еңбегі үшін» (1976), «Мәскеуді қорғағаны үшін» (1976) медальдарымен марапатталған.

Әскери атағы - лейтенант.

Діни көзқарасы - мұсылман.

Саяси қайраткер ретіндегі идеалы - И.В. Сталин, Ф. Рузвельт.

Қазақстанның болашағы туралы болжамы - «Демократиялы».

Хоббиі - кітап оқу.

Сүйіп оқитын әдебиеті - отандық және әлемдік классикалық әдебиет.

Жұбайы - Түменова Зәуре Олжабайқызы. Балалары - Бүркіт, Зағипа, Бексұлтан, Сәуле, Нұрсұлтан, Қарлығаш, Наргүл, Нұрлан, Сұлтан, Райхан.