Мәметсапа Мәмедоғлы

Мәметсапа Мәмедоғлы (1820, Кендірлі – 1875) – маңғыстаулық түрікмендердің ақсақалы, мәмілегер, ақын.

• Маңғыстауды зерттеуге келген М.Н. Галкин мен В.П. Дандевильдің экспедициясына (1859) көмектескен. Сол үшін патша өкіметінен Станислав лентасына байланған күміс медальмен марапатталған.
• Қараман ата әулие басында болған қазақ-түрікмен келісіміне түрікмен жағының басшы ақсақалы ретінде қатысты.
• 1870 жылы Иса – Досан бастаған көтерілістен соң орыс өкіметі мен көтерілісшілер арасында қазақ билері М.Төлепов, Е.Досжанов және Қ.Қаражігітовпен бірге келіссөздерге қатысты.
• 1873 жылы патша өкіметінің Хиуа жорығында Маңғыстау отрядына жолбасшы адамдарымен және көліктерімен көмек көрсеткен. Хиуа ханын күші басым орыс әскерімен берілуге әрекет жасаған.
• Ол түбек тұрғындары арасынан алғаш рет баласын Орынбордағы Неплюев кадет корпусына (1860) оқуға берген.
• Хиуа хандығындағы тұтқын орыстардың қашып шығуына жәрдемдескен.
• Жазушы Ә.Кекілбаевтың «Күй» повесіндегі Мәмбетпананың прототипі. Мәмедоғлының ұрпақтары Түрікменстанда және Маңғыстауда тұрады.