Мәуленов көшесі (Алматы)

Көшеге қазақ ақыны, Қазақстан Республикасының халық жазушысы, қоғам қайраткері, Ұлы

Отан соғысының ардагері Сырбай Мәуленовтің есімі (Алматы қаласы әкімінің 25.08.1994 №331 шешімі) берілген. Мәуленов Сырбай (1922-1993) Торғай облысы Жангелді ауылында дүниеге келген. Ол Қазгослитиздат редакциясының меңгерушісі, «Қазақ әдебиеті» газеті мен «Жұлдыз» журналының бас редакторы қызметтерін атқарған. Көше Алмалы ауданында орналасқан. Гоголь көшесінен басталып, Абай даңғылына дейін созылып жатыр. Бұрынғы атаулары: Солдатская; Интернациональная көшелері. Көшенің ұзындығы -2850 метр.