Мөлдірплазма

Мөлдірплазма (гиалоплазма); (hyaloplasma, грек, hyalos—шыны, мөлдір, plasma — тірі зат) — жасуша цитоплазмасының органеллалар мен қосындылар аралығындағы біркелкі мөлдір қоймалжың ішкі ортасы (матриксі). Мөлдірплазма — коллоидты ертінді түріндегі күрделі жүйе. Оның құрамына протеиндер, көмірсулар, нуклеин қышқылдары, витаминдер, гормондар, АТФ, минералды заттар және т.б. клеткадағы зат алмасу процесіне (метаболизміне) катысатын әртүрлі қосылыстар кіреді. Жасуша протеинінің 20-25% мөлдірплазманы құрауға қатысады. Мөлдір плазма жасушадағы және жасуша мен оны қоршаған орта аралығындағы зат алмасуды іс жүзіне асырады.

Мөлдірплазма.