Найманжал (тау)

Найманжал – Едірей тауларының солтүстігіндегі тау тізбегі.

Найманжал тауы
Сипаттамасы
Тау жүйесі	Едірей таулары
Ұзындығы	13 км
Ені	3,5 км
Биіктігі	471 м
Орналасуы
50°29′53″ с. е. 77°23′37″ ш. б.50.49806° с. е. 77.39361° ш. б. / 50.49806; 77.39361
Елдер	Қазақстан, Қарағанды облысының Қарқаралы ауданы
Найманжал тауы
Найманжал тауы

Геологиялық орны

Қарағанды облысы, Қарқаралы ауданының қиыр солтүстігінде. Айрық ауылынан шығыста 35-40 км жерде орналасқан. Абсолюттік биіктігі 471 м. Солтүстік-батыстан оңтүстік-шығысқа қарай 13 км-ге созылып жатыр. Енді жері 3,5 км.

Жер бедері

Көтеріңкі келген солтүстік-батыс бөлігінің беткейлері біршама тіктеу келген, оңтүстік-шығысы (абс. биікт. 456 м) көлбеуленіп, далаға ұласады. Батысындағы тауалды жазығында бір топ тұзды көлдер жатыр. Беткейлері нашар тілімденген.

Өсімдігі

Таудың қиыршықты қоңыр топырағында тобылғы, қараған, бетеге, боз, қау, т.б. астық тұқымдас шөптесіндер өседі.