Нариман Бахытұлы Таушов

Нариман Бахытұлы Таушов - ҚР қаржы министрлігі Салық комитетінің Атырау облысы бойынша Салық департаментінің бастығы.

Нариман Бахытұлы Таушов
Лауазымы
ҚР қаржы министрлігі Салық комитетінің Атырау облысы бойынша Салық департаментінің бастығы
2008 жыл
Президент	Нұрсұлтан Назарбаев
Өмірбаяны
Партиясы	«Нұр Отан» ХДП (2009 ж. бастап)
Білімі	Гурьев политехникалық техникумы Батыс Қазақстан ауылшаруашылық институты М. Өтемісұлы атындағы Батыс Қазақстан мемлекеттік университеті
Мамандығы	техник-электрик экономист-ұйымдастырушы заңгер
Діні	Ислам
Дүниеге келуі	21 қаңтар 1967 (1967-01-21) (57 жас) Еңбекші ауылы, Теңіз ауданы, Гурьев облысы
Әкесі	Таушов Бахыт Ғұмарулы
Анасы	Таушова Нұрзипа Ысқаққызы
Жұбайы	Таушова Танзиля Елегенқызы
Балалары	қыздары - Таушова Диана Нариманқызы, Таушова Іңкәр Нариманқызы; ұлы - Таушов Нұрдәулет Нариманұлы

Білімі мен еңбектері

Гурьев политехникалық техникумының техникалық бөлімшесін (1986) техник-электрик мамандығы бойынша; Батыс Қазақстан ауылшаруашылық институтының экономика факультетін (1993) ауылшаруашылық өндірісінің экономист-ұйымдастырушысы мамандығы бойынша үздік; М. Өтемісұлы атындағы Батыс Қазақстан мемлекеттік университетінің құқықтану факультетін (2006) бітірген.

Салық заңнамасы, мемлекеттік сатып алулар және сыбайлас жемқорлық тақырыбындағы 30-дан астам мақала мен жарияланымның авторы.

Өмірбаяны

1967 жылы 21 қаңтарда Гурьев облысы Теңіз ауданының Еңбекші ауылында туған. Қазақ. Қазақ және орыс тілдерін біледі. «Нұр Отан» ХДП мүшесі (2009 жылдан).

• 1986 жылдан - Кеңес Әскерінің қатарында қызметте (Ауғанстан).
• 1993 жылдан - Орал қаласы бойынша Мемлекеттік салық инспекциясының салық инспекторы, 1994 жылдан - аға салық инспекторы, бас салық инспекторы.
• 1995 жылдан - БҚО бойынша Салық комитетінің жеке тұлғаларға салық салу бөлімі бастығының орынбасары, 1996 жылдан бөлім бастығы.
• 1997 жылдан - Орал қаласы бойынша Салық комитеті жеке тұлғалардан салық жинау әдістемесі бөлімінің бастығы, 1998 жылдан - салық комитеті төрағасының

орынбасары.

• 1999 жылдың сәуірінен - БҚО бойынша Салық комитеті Салық төлеушілермен жұмыс басқармасының бастығы, 1999 жылдың маусымынан - салық комитеті төрағасының орынбасары.
• 2001 жылдан - Маңғыстау облысы бойынша Салық комитетінің төрағасы.
• 2002 жылдан - БҚО бойынша Салық комитетінің төрағасы.
• 2005 жылдан - БҚО бойынша қаржылық бақылау және мемлекеттік сатып алулар басқармасының бастығы.
• 2007 жылдың қаңтарынан - Атырау облысы бойынша Салық комитетінің төрағасы м.а., 2007 жылдың маусымынан - комитет төрағасы.
• 2008 жылдан бері - ҚР қаржы министрлігі Салық комитетінің Атырау облысы бойынша Салық департаментінің бастығы.

Марапаттары мен атақтары

«Ауған халқынан алғыспен» (1987), «Үздік жауынгерлік қызметі үшін» (1988), «КСРО қарулы күштеріне 70 жыл» (1988), «Ауғанстандағы соғыс ардагеріне» (1998), «Ауғанстаннан Кеңес әскерлерін шығарудың 15 жылдығы» (2003) медальдарымен; КСРО Жоғарғы Кеңес Президиумының (1988), ҚР Мемлекеттік кіріс министрлігінің (2001) құрмет грамоталарымен марапатталған. Батыс Қазақстан және Атырау облыстары әкімдерінің алғыс хаттарымен ескерілген. ҚР Салық қызметінің үздігі (2008).

Самбо федерациясының төралқа мүшесі.

Әскери атағы - сержант.

Жеке өмірі

Діни көзқарасы - ислам дінін ұстанады.

Хоббиі - жүзу, балық аулау, аңшылық, бильярд.
Сүйіп оқитын әдебиеті - классикалық әдебиет.

Отбасы

Әкесі -Таушов Бахыт Ғұмарулы (1928-2004), Гурьев облысы Теңіз ауданының ЖТҚ слесарь-механигі болып жұмыс істеген. Анасы - Таушова Нұрзипа Ысқаққызы (1929 жылы туған), зейнеткер.

Үйленген. Жұбайы - Таушова Танзиля Елегенқызы (1971 жылы туған), жеке кәсіпкер. Қыздары - Таушова Диана Нариманқызы (1990 жылы туған), Таушова Іңкәр Нариманқызы (1992 жылы туған); ұлы - Таушов Нұрдәулет Нариманұлы (2001 жылы туған).