Нарын қоғамдық қозғалысы

«Нарын» — қоғамдық қозғалыс. 1990 ж. 24 мамырда Батыс Қазақстан облысының Орда ауданында Жәнібек, Жаңақала, Казталов және Атырау облысының Теңіз (қазіргі Құрманғазы) аудандары өкілдерінің қатысуымен митигі өткізілді. Митингіге жиналған жұртшылық Азғыр мен Капустин Ярдағы әскери-ядролық сынақ полигонын жабуды, сынақ аймақтарын өз иелеріне — байырғы тұрғындарға қайтаруды, т.б. талап етіп, осы мақсатта бұқаралық-саяси күрес шараларын жүзеге асыратын қоғамдық қозғалыс құруды ұсынды. 1990 ж. мамыр - 1992 ж. мамыр аралығында «Нарын» қозғалысының орталығы Орда ауыданында болды, оның жұмысына Т.Махымов жетекшілік етті. 1992 ж. жаз айыңда қоғамдық қозғалыс орталығы Орда ауданынан облыс орталығына көшірілді. Орал қаласында өткен арнаулы конференңияда «Нарын» қозғалысының төрағалығына К. Көбейсінов сайланды.