Наурыз Әлжанұлы Өтегенов

Наурыз Әлжанұлы Өтегенов(1925 ж.т., Жаңақала ауданы) — генерал-майор, Қазақстан Ішкі істер қызметінің еңбек сіңірген қызметкері. Алматы мемлекеттік қауіпсіздік комитетінің арнайы мектебінде курсант, КСРО Ішкі Істер министрлігінің Мәскеудегі Жоғарғы мектебін тәмамдаған. Ақтөбе, Гурьев облысы ішкі істер басқармаларында басшы қызметтер атқарды. Жаңақала, Жалпақтал, Чапаев ауданы құқық қорғау органдарын басқарған. Ұлы Отан соғысына қатысып, 277 атқыштар полкі құрамында болған. 1-дәрежелі Отан соғысы, Қызыл Жұлдыз, «Құрмет Белгісі» ордендерімен, бірнеше медальмен марапатталған.