Нейрогистология

Нейрогистология (neurohistologia, грек, neuron — нейроцит, жүйке клеткасы, histos — ұлпа, logos — ілім) - жүйке жүйесі мүшелерінің микроскопиялық қүрылысын, гистофизиологиясын зерттейтін гистология ғылымының бөлімі. Итальян ғалымы К. Гольджи күміс тұзымен препараттарды өндеу (импрегнациялау) әдісі арқылы нейроциттер цитоплазмасында Гольджи аппаратының бар екендігін ашты. Осы әдісті және басқа да әдістерді қолдана отырып Р. Кахаль жүйке жүйесін жете зерттеп, нейрогистологияның негізін қалады. К. Гольджи мен Р. Кахальға жүйке жүйесін зерттеген ғылыми жұмыстары үшін 1906 жылы Нобель атындағы сыйлық берілді.