Неман

Неман^[1] (лит. Nemunas) – Беларусь, Литва және Ресей жерімен ағатын өзен.

Ұзындығы 937 км, алабының ауданы 98,2 мың км².
Минск қыратының оңтүстігінен басталып, Балтық теңізінің Курша шығанағына атырау жасап құяды. Орташа су ағымы Смалининкай қаласы маңында 540 м³/с. Желтоқсаннан наурызға дейін мұз құрсанып жатады.
Днепрмен Огинский және Висламен Августовский су жолдары арқылы жалғасқан.
Негізгі салалары: Березина, Мяркис, Нярис (оң), Щара, Шяшупе (сол).
Өзенде Каунас СЭС-і және бөгені салынған.
Неман алабында Чяпкяляй қорығы ұйымдастырылған.
Неман бойында Гродно (Беларусь), Друскининкай, Каунас (Литва), Советск (Ресей), тағы басқа қалалар орналасқан.

Сілтемелер

↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.