Никара Бәкірқызы Абаева

Никара Бәкірқызы Абаева (30 тамыз 1936, Семей, Қазақ АКСР, РКФСР) — кеңестік және қазақстандық қоғамдық-саяси қайраткер, педагогика ғылымдарының кандидаты.

Никара Бәкірқызы Абаева
Туған күні	30 тамыз 1936 (1936-08-30) (88 жас)
Туған жері	Семей, Қазақ АКСР, РКФСР
Азаматтығы	КСРО  Қазақстан
Қызметі	қоғам қайраткер
Марапаттары мен сыйлықтары

Өмірбаяны

1936 жылы 30 тамызда Семей қаласында дүниеге келген. Семей педагогикалық институтын бітірген. Жоғарғы оқу орнын бітіргеннен соң мұғалім болып жұмыс істеді, содан кейін комсомолдық жұмысқа ауысып — Қазақстан ЛКЖО Семей облыстық комитетінің нұсқаушысы, бөлім меңгерушісі, хатшысы, Қазақстан ЛКЖО ОК мектеп және студент жастар жөніндегі хатшысы қызметтерін атқарды.

1971-1975 жылдары — Семей облыстық атқару комитеті төрағасының орынбасары болды. 1975-1984 жылдары — Қазақ КСР Жоғарғы Кеңесі төралқасының хатшысы, Қазақ КСР Білім министрінің орынбасары қызметін атқарды. 1984-1991 жылдары — Ыбырай Алтынсарин атындағы Педагогика ғылымдары ғылыми-зерттеу институтының директоры болып істеді.

Қазақстан КП XIII съезінің делегаты. «Құрмет Белгісі» орденінің төрт мәрте иегері.

1991 жылдан бері зейнеткер болып келеді. Тәуелсіз Қазақстанда Алматы қалалық мәслихатында сарапшы, Республикалық әйелдер ұйымдары комитетінің төрағасы, Азия және Африка елдерімен ынтымақтастық республикалық комитетінің төрағасы болды.

Отбасы

Күйеуі — Әшірбаев Болат Ғазизұлы. Қызы — Сәуле (1964 туғ.), 2002 жылғы жағдай бойынша Қазақстан Республикасы Ұлттық Банкі бөлімінің басшысы болды. Ұлы — Тимур (1971 туғ.)

Кітапнама

• Абаева, Никара Бакировна. Салют, страна пионерия! / Н. Б. Абаева. — Алма-Ата : Мектеп, 1988. — 89,[2] с. : ил.; 16 см; ISBN 5-625-00226-6 : 10 к.
• Абаева, Никара Бакировна. Деятельность пионерской организации Казахстана по идейно-политическому воспитанию школьников (1962—1972 гг.) : диссертация …кандидата педагогических наук : 13.00.01. — Москва, 1985. — 170 с. (автореферат)