Николай Гордеевич Максимов

Николай Гордеевич Максимов (5.7.1911, Ресей, Ульяновск облысы,Мордовский кенті - 16.11.1941, Мәскеу облысы, Волоколам ауданы,Дубосеково темір жолы айырмасы) - 2-дүниежүзілік соғысқа қатысушы, атқыш, қатардағы жауынгер. 933 жылдан Алматы қаласында тұрған. Соғысқа дейін слесарь, машинист, электрик қызметтерін атқарған. Кеңес әскері қатарына 1941 жылдың маусымында шақырылып, Батыс майданның 16-армиясы на қарасты 316-атқыштар дивизиясы 1075-атқыштар полкі 2-батальонының 4-ротасы құрамында Ұлы Отан соғысына қатысқан. 1941 жылы 16 қарашада Мәскеу облысы,Волоколам ауданы,Дубосеково темір жолы айырмасында болған кескілескен шайқаста 28 панфиловшы-батырлардың қатарында 18 жау танкісін жоюға қатысып, ерлікпен қаза тапқан. Максимовқа жасаған ерлігі үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (21.7.1942). 1966 жылы Мәскеуде (Солтүстік Тушино ауданы) панфиловшылардың есімі бір көшеге беріліп, монумент орнатылды. 1975 жылы Дубосековода мемориал, Нелидово деревнясында (Дубосеково темір жолы айырмасынан 1,5 шақырым жерде) ескерткіш қойылып, мұражай ашылды. Алматы қаласында саябақ және олардың құрметіне қойылған монумент бар. Мәскеу қаласының гимніне айналған «Дорогая моя столица» әнінде 28 панфиловшы-батырлар туралы айтылады. 2005 жылы Ульянов облысы Старая Майна кентіндегі батырлар аллеясында Максимовқа бюст орнатылды. Ленин орденімен марапатталған.

Сілтемелер

• Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 21 июля 1942 года // Ведомости Верховного Совета Союза Советских Социалистических Республик : газета. — 1942. — 23 июля (№ 28 (187)). — С. 1.