Николай Ильич Беляев

	Иван Дмитриевич Яковлев;
Лауазымы
	Қазақстан Компартиясы Орталық Комитетінің Бірінші хатшысы
	Қазақстан Компартиясы Орталық Комитетінің Бірінші хатшысы
26 желтоқсан 1957 — 19 қаңтар 1960
Ізашары	Иван Дмитриевич Яковлев
Ізбасары	Дінмұхамед Ахметұлы Қонаев
Өмірбаяны
Дүниеге келуі	13 ақпан 1903 ; Уфа Губерниясы
Қайтыс болуы	28 қазан 1966 (63 жас); Мәскеу
	өңдеу

Николай Ильич Беляев (13.2.1903 Уфа губерниясы–1966, Мәскеу қаласы) – саяси қайраткер, Қазақстан Компартиясы ОК-нің 1-хатшысы (1957 – 60).

Өмірбаяны

1925 жылы Мәскеу халық шаруашылығы институтын бітірген. 1925 – 1943 жылдары Батыс Сібірдегі жергілікті партия, кеңес органдарында басшы қызметтер атқарды.
1943 – 1955 жылдары Алтай өлкелік партия комитетінің бірінші хатшысы қызметінде болды.
1955 – 1957 жылдары КОКП Орталық Комитетінің хатшысы және РКФСР жөніндегі бюро басшысының орынбасары қызметтерін атқарды.
1957 – 1960 жылдары Қазақстан Компартиясы Орталық Комитетінің бірінші хатшысы қызметінде жұмыс істеді. Беляевтың билігі кезінде Қазақстанда Теміртау жұмысшыларының көтерілісі орын алды. Қарағандыда екі кокс батареясы және екі домна, Соколов – Сарыбай тау-кен байыту комбинаты, Бұқтырма СЭС-і, және басқа өндіріс нысандары дүниеге келді.
1957 – 1959 жылдары Қазақстанға сырттан жарты миллионға жуық адам әкелінді. Өндіріс пен құрылысты басқару жүйесі өзгерді. Осы мақсатта 9 экономикалық аудан құрылды. Әр экономикалық ауданда халық шаруашылығы кеңесі құрылды. Қазақстан бойынша Қазақстандық халық шаруашылығы кеңесі пайда болды. Тың өлкесін құру жұмыстары аяқталды, бірақ бұл реформа өзін ақтамады. Шаруашылық механизмі әкімшілік басқару әдеттерінен экономикалық ынталандыру жолына түсе бастады. Репрессиялық аппарат бәсеңдеді, халықтың тұрмысы біршама жақсарды. Интернационализм үгіт-насихаты бұрын-соңды болмаған деңгейге жетіп, қазақ мектептері көптеп жабылды.

Марапаттары

2 рет Ленин
2 рет Еңбек Қызыл Ту ордендерімен
медальдармен марапатталған.^[1]

Дереккөздер

↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том

[1]