Нильсборий (Nіelsbohrіum), Ns – элементтердің периодтық жүйесінің V тобындағы жасанды жолмен алынған химиялық элемент, атомдық нөмірі 105, атомдық массасы 261, трансуранды элементтер тобына жатады. Массалық сандары 257, 260 – 262-ге дейін изотоптары белгілі. Оның ішінде ең тұрақты изотопы 262Ns (Т1/2=40 с). Нильсборийдің 261Ns (Т1/2=1,6 с) изотопы 1970 ж. Дубна қаласындағы ядролық зерттеулер институтында 243Am элементін 22Ne иондарымен атқылау арқылы алынды. Тотығу дәрежесі +5. Химиялық қасиеттері бойынша Ta-ға ұқсас. Нильсборийдің ұшқыш хлориді мен бромиді белгілі.