Новохатский Иван Петрович

НОВОХАТСКИЙ Иван Петрович (25.10.1899, Украина, Сумы ауд. Межирич а. – 8.8.1985, Алматы) – ғалым, геол.-минерал. ғыл. докт. (1959), проф. (1968). Қиыр Шығыс политех. ин-тын (1922), Мәскеу тау-кен академиясын бітірген (1927). 1930 – 82 ж. геология мекемелерінде аға геолог, партия бастығы, Қазақстан ғылым академиясының Геол. ғылымдар ин-тында аға ғыл. қызметкер, сектор меңгерушісі, директордың ғыл. істер жөніндегі орынбасары, ғыл. кеңесші қызметтерін атқарды. Негізгі ғыл. еңбектері Қазақстанның қара металл қазба байлықтарын барлау, зерттеу, сонымен бірге аумақтық геология, геохимия және петрология салаларын зерттеу мәселелеріне арналған. Лениндік сыйл. лауреаты (1958). 135-тен аса ғыл. еңбектің авторы. “Құрмет белгісі” орденімен (1951) және медальдармен марапатталған.