Нұржан Бауыржанұлы Көлбаев

Нұржан Бауыржанұлы Көлбаев - 1973 жылы 18 мамырда Шымкент қаласында туған.

Әкесі - Көлбаев Бауыржан, зейнеткер. Анасы - Әбдіраманова Ермек, зейнеткер.

Шымкент кооператив техникумының бухгалтерлік есеп және аудит факультетін (1994), бухгалтер-талап қоюшы мамандығы бойынша; «Қазтұтынуодақтың» Қарағанды экономикалық университетінің қаржы және несие факультетін (2001) экономист-қаржыгер мамандығы бойынша үздік бітірген.

Қазақ және орыс тілдерін біледі.

1990 жылдың шілдесінен - Шымкент облыстық тұтыну одағының Тельман қалалық ТҚ одағында бухгалтердің шәкірті, 1990 жылдың қарашасынан - бухгалтері. 1995 жылдың наурызынан - «Машат» ЖШС бухгалтері, 1996 жылдың мамырынан - бас бухгалтері (Шымкент қаласы). 2001 жылдың шілдесінен - «Қазкоммерцбанк» ААҚ Шымкент филиалының ШОБ секторының менеджері. 2002 жылдың сәуірінен - «Қазақстан Халық банкі» АҚ Оңтүстік Қазақстан облыстық филиалының тәуекелдер жөніндегі менеджері. 2004 жылдың тамызынан - «АТФ Банк» АҚ Оңтүстік Қазақстан филиалы бөлшек бизнесі бөлімінің бастығы (Шымкент қаласы). 2005 жылдың мамырынан - «АТФ Банк» АҚ Оңтүстік Қазақстан филиалы директорының орынбасары. 2006 жылдың тамызынан - «Цеснабанк» АҚ басқарма төрағасының кеңесшісі.

2007 жылдың қаңтарынан бері - «Цеснабанк» АҚ Оңтүстік Қазақстан филиалының директоры.

Шымкент қалалық мәслихатының 4-ші шақырылым депутаты (2007 жылдан бері).

Шымкент қаласы әл-Фараби ауданы бойынша «Нұр Отан» ХДП төрағасы.

Әскери атағы - қатардағы жауынгер.

Діни көзқарасы - ислам.

Саяси қайраткер ретіндегі идеалы - Н.Ә. Назарбаев, В.В. Путин, М.К. Ататүрік.

Қазақстанның болашағы туралы болжамы - «Дағдарыс аяқталғаннан кейін елді жаңару мен даму күтіп тұр».

Хоббиі - ит асырау.

Сүйіп оқитын әдебиеті - классика, тарихи шығармалар.

Үйленген. Жұбайы - Қарабаева Лаура Қошқарбайқызы (1980 жылы туған), Қ.А. Иассауи атындағы ХҚТУ оқытушы. Қызы - Көлбаева Нұрилә (1994 жылы туған); Ұлдары - Көлбаев Диас (2002 жылы туған), Бауыржан Тимур (2009 жылы туған).