Нұрлан Армияұлы Рахымберлин

Нұрлан Армияұлы Рахымберлин 1960 жылы 5 шілдеде Қарағанды қаласында туған. Қазақ. Әкесі - Рахымберлин Армия, марқұм. Анасы - Тұрсынбекова Щәкен Рақышқызы, марқұм. КСРО ІІМ Қарағанды жоғары мектебін (1981) «Құқықтану» мамандығы бойынша; РФ ІІМ Академиясын (1993) құқық қорғау қызметін ұйымдастырушы мамандығы бойынша бітірген. Заң ғылымдарының кандидаты (2007). Кандидаттық диссертациясының тақырыбы: «Бірнеше эпизодты қылмыстарды тергеу: теория және тәжірибе». 15 мақала мен жарияланымның авторы. Қазақ және орыс тілдерін біледі. 1977 жылдың қыркүйек айынан - КСРО ІІМ Қарағанды жоғары мектебінің тыңдаушысы. 1981 жылдың тамыз айынан - Қарағанды облысының ІІБ және оның бөлімшелеріндегі орта және басшы құрамының түрлі лауазымдарында қызмет еткен. 1996 жылдың қаңтар айынан - Қарағанды облысы бойынша МТКБ аппаратындағы аға басшы құрамның түрлі лауазымдарында қызмет еткен. 1997 жылдың шілде айынан - Қарағанды облыстық ІІББ тергеу қызметінің бастығы. 1999 жылдың ақпан айынан - Астана қалалық ІІБ бастығының тергеу жөніндегі орынбасары. 2001 жылдың қаңтар айынан - ҚР ІІМ Тергеу департаменті аппаратының аға басшы құрамының түрлі лауазымдарында қызмет еткен. 2002 жылдың мамыр айынан - ҚР Қаржы полициясы агенттігінде қызмет өткерген. 2004 жылдың мамыр айынан - Қарағанды облыстық ІІБ бастығының тергеу жөніндегі орынбасары. 2008 жылдың қыркүйек айынан - ҚР ІІМ Тергеу комитеті төрағасының орынбасары. 2009 жылдың қаңтар айынан бері - Қарағанды облыстық ІІД бастығы. «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), 3-ші дәрежелі «ІІМ мінсіз қызметі үшін», «Астананың 10 жылдығы» (2008) медальдарымен; «ІІМ Еңбек сіңірген қызметкері» төс белгілерімен марапатталған.

• Полиция генерал-майоры.
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Өркендеген мемлекет».
• Хоббиі - футбол, шахмат ойыны.
• Сүйіп оқитын әдебиеті - тарихи повестер.
• Үйленген. Жұбайы - Рахымберлина (Кәрімова) Шолпан Бодашқызы, жеке кәсіпкер. Қызы - Рахымберлина Әсел Нұрланқызы (1984 жылы туған); ұлы - Рахымберлин Асқар Нұрланұлы (1985 жылы туған).