Нұрлан Асқарұлы Ноғаев
қазақстандық саясаткер, Маңғыстау облысының әкімі (2021–2024)
Нұрлан Асқарұлы Ноғаев (30 шілде 1967 жыл, Октябрьск) — қазақстандық саясаткер, 2024 жылғы маусымнан Қазақстанның Түрікменстандағы Төтенше және Өкілетті елшісі.[1]
Бұрын Ноғаев Маңғыстау облысының әкімі (2021–2024), Энергетика министрі (2019–2021), Атырау облысының әкімі (2016–2019) және Батыс Қазақстан облысының әкімі (2012–2016) лауазымдарында болған.
Жастық шағы және білімі
өңдеуЖетіру тайпасының Табын руынан шыққан.[2]
- Білімі жоғары, И.Губкин атындағы Мәскеу мемлекеттік мұнай және газ академиясы.
- Қазақ мемлекеттік басқару академиясы,
- Ресей Сыртқы істер министрлігі жанындағы "Халықаралық қатынастар университеті" Мәскеу мемлекеттік институты, тау-кен инженері, экономист, халықаралық қатынастар маманы, әкімшілік іскерлік жөніндегі шебер мамандықтары бойынша бітіріп шыққан.
- Орыс, түрік, ағылшын тілдерін еркін меңгерген.
Биографиясы
өңдеу- Еңбек жолын Ақтөбе облысы, Қандыағаш станциясында электр шебері болып бастаған.
- 1993–1995 жылдары - Мәскеу қаласындағы "Гили- Паскер" ЖШС-ында мұнай өнімдері жөніндегі аға сарапшы, бөлім бастығы, бас директор.
- 1995–1996 жылдары - Алматы қаласындағы "Отрар Лтд" шағын кәсіпорны бас директорының орынбасары.
- 1996–2006 жылдары - "Қазақтүрікмұнай" ЖШС-ында маркетинг жөніндегі инженер, мұнай және мұнай өнімдерін сату, маркетинг бөлімінің бастығы, бас директор.
- 2006 жылдың ақпан айынан бастап "ҚазМұнайГаз Ұлттық компаниясы" АҚ-ның атқарушы директоры.
- 2006 жылдың тамыз айынан ҚР Энергетика және минералды ресурстар министрлігі мұнай өнеркәсібі департаментінің директоры болып істеген.
- 2007 жылдың қыркүйегінен 2010 жылдың сәуір айына дейін - Батыс Қазақстан облысыәкімінің орынбасары.
- 2010 жылдың сәуір айынан 2012 жылдың қаңтарына дейін - Батыс Қазақстан облысы әкімінің бірінші орынбасары.
- 2012 жылдың 20 қаңтарында Мемлекет Басшысының Жарлығымен Батыс Қазақстан облысының әкімі болып тағайындалды.
- 2016 жылғы 26 наурыздан – 2019 жылдың 16 желтоқсанына дейін Атырау облысының әкімі.[3]
- 2019 жылғы 16 желтоқсаннан - 2021 жылдың қыркүйегіне дейін Қазақстан Республикасының Энергетика министрі болып тағайындалды.[4]
- 2021 жылғы 7 қыркүйектен Маңғыстау облысының әкімі болып тағайындалды.[5](2024 жылы 16 мамырда облыс әкімі қызметінен босатылды)
- 2024 жылғы 20 маусымда Қазақстанның Түрікменстандағы елшісі болып тағайындалды.
Марапаттары
өңдеу- 2010 жылы Құрмет ордені;
- "Төтенше жағдайлардың алдын алуда және жоюда үздік шыққаны үшін" медалі;
- "Қазақстан Республикасының Тәуелсіздігіне 20 жыл" мерекелік медалі;
Дереккөздер
өңдеу- ↑ Маңғыстау облысының экс-әкімі Нұрлан Ноғаев Түрікменстанға аттанады (қаз.). azattyq-ruhy.kz (20 маусым 2024). Тексерілді, 20 маусым 2024.
- ↑ Решение о смене Б.Рыскалиева Б.Измухамбетовым вызывает вопросы. Или не открывается ли путь к необратимым изменениям в Западном Казахстане? 1 часть (орыс.).
- ↑ Атырау облысына жаңа әкім тағайындалды
- ↑ Нұрлан Ноғаев энергетика министрі болып тағайындалды Мұрағатталған 11 мамырдың 2021 жылы.
- ↑ Нұрлан Ноғаев Маңғыстау облысының әкімі болып тағайындалды