Нұрмахан Жұматаев

Нұрмахан Жұматаев (4.2. 1919 жылы туған, Келес ауданы Мамынт ауылы) – Cоциалистік Еңбек Ері (1948), құрылысшы. 1939 – 45 жылдары Кеңес Армиясы қатарында, 1946 жылы Сарыағаш ауданында құрылысшы, 1961 жылы құрылыс бригадирі, Келес ауданында жылжымалы механикаландырылған колоннаның 1-учаскесінде үлгілі құрылыс бригадирі болды. Еңбектегі үлкен жетістіктері үшін КСРО Жоғарғы Кеңесі Президиумы 1948 жылы 23 шілдедегі Жарлығымен Cоциалистік Еңбек Ері атағын берді. Ленин орденімен, бірнеше медальдармен марапатталған.