Нұртай Салихұлы Сабильянов

Нұртай Салихұлы Сабильянов

Нұртай Салихұлы Сабильянов

1962 жылы 1 маусымда Семей облысының Аягөз ауданындағы Шыңқожа ауылында туған. Қазақ.

Әкесі - Сабильянов Салих (1920 жылы туған), зейнеткер, ҰОС және еңбек ардагері, Ленинград блокадасына қатысқан. Анасы -Сабильянова Қасенхан (1930-2000) , 9 баланы дүниеге әкеліп, тәрбиелеп, өсірген.

Алматы халық шаруашылық институтының экономикалық есептеу факультетін үздік дипломмен (1988) экономист мамандығы бойынша; Қазақ заң университетінің кәсіпкерлік-құқық факультетін (1999) қуқықтанушы мамандығы бойынша бітірген. Мамандандырылған екі куәлігі бар - аудитор (1994) және бағалы қағаздар нарығының маманы (1997). Ол туралы жазылған кітаптар: «Намыс найзағайы» (1996), «Нұртай» (2001), «Шапағат» (2004), «Парыз» (2008), «Ел аманаты» (2008), деректі фильмдер түсірілген, көптеген жарияланымдар мен оның сұхбаттары мерзімді баспасөз беттерінде жарық көрген.

Қазақ және орыс тілдерін біледі.

«Нұр Отан» ХДП мүшесі (2004 жылдан).

1979 жылдан - Семей облысы Аягөз ауданы «Нарын» кеңшарындағы «Орбита» комсомол-жастар қой шаруашылығы бригадасының шопаны. 1980 жылдан 1982 жылдары - Кеңес Әскерінің қатарында қызметте. 1983 жылдан - Алматы халық шаруашылығы институтының студенті. 1988 жылдан - Алматы электртехникалық зауытында экономист. 1990 жылдан - «Сарыарқа» ЖАҚ бас есепші, қаржы жөніндегі вице-президент. 2004 жылдан - «Сарыарқа-Алуан» ЖШС директорының орынбасары - бас есепші. 2004 жылдың қазан айынан - ҚР Парламенті Мәжілісі 3-ші шақырылымының депутаты, №25 сайлау округінен сайланған (ШҚО Аягөз, Жарма, Үржар аудандары), Қаржы және бюджет комитетінің мүшесі.

2007 жылдан бері - ҚР Парламенті Мәжілісі 4-ші шақы рылымының «Нұр Отан» ХДП тізімі бойынша депутаты. Қаржы және бюджет комитетінің мүшесі.

1986 жылғы Желтоқсан оқиғаларына қатынасқан. ҚР Жоғары Кеңесінің 13-ші шақырылымының депутаттығыші (1994) және ҚР Парламенті Мәжілісі 2-ші шақырылымының депутаттығына (1999-2000) кандидат. ҚР Аудиторлар палатасының мүшесі (1994 жылдан).

Қайырымдылық ісіне белсене араласады. Шынқожа ауы лындағы Мәдениет үйінің құрылысын ез қаражатына жүргізді (2003), Аягөз қаласы мешіт құрылысын қаржыландырған (2004). Алматы қаласының және ШҚО көптеген азаматтарына, орта мектептерге, балалар бақшасына, кітапханаларға және басқа да мекемелерге демеушілік көмек көрсеткем «Құрмет» орденімен (2008); «Шапағат» (2003), «Қазақстан Конституциясына 10 жыл» (2005), «Қазақстан Парламентіне 10 жыл» (2006), «Астананың 10 жылдығы» (2008) медальдарымен марапатталған. ШҚО Аягөз ауданының Құрметті азаматы. Білім беру саласының меценаты (2008).

Әскери атағы - запастағы сержант.

Діни көзқарасы - дәстүрлі мұсылман.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «XXI ғасыр Қазақстанның табысты өркендеу ғасыры. Экономикалық, әлеуметтік-мәдени дамуы жағынан Қазақстан Еуразия ауқымындағы көшбасшылардың бірі болады».Шығыс Қазақстан облысыны Аягөз ауданының Құрметті азаматы.

Хоббиі - тау шаңғысы, коньки.

Сүйіп оқитын әдебиеті - қазақ, орыс классикалық әдебиеті.

Үйленген. Жұбайы - Оразбаева Нұрсәуле Кекежанқызы (1973 жылы туған). Ұлдары - Салих Әкежан (1994 жылы туған), Салих Нұрлан (1997 жылы туған); қыздары - Салих Сара (2005 жылы туған), Салих Аягүл (2009 жылы туған).[1]

ДереккөздерӨңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2