Нәдия Ермұқанқызы Бекмаханова

Нәдия Ермұқанқызы Бекмаханова (6.9.1947 жылы туған, Алматы қаласы) – биология ғылым докторы (1997). ҚазМУ-ды (1970, қазіргі ҚазҰУ) және Мәскеу облысы Пущино қаласындағы КСРО ғылым академиясының Микроорганизмдер биохимиясы және физиологиясы ғыл.-зерт. ин-тының аспирантурасын (1973) бітірген. Қазақстан ғылым академиясының Микробиология және вирусология ғылыми-зертханалық институтында ғыл. қызметкер (1973–1995), 1996 жылдан лаборатория меңгерушісі қызметтерін атқарады. Оның ғыл.-зерт. еңбектері өсімдіктердің аурулары және зиянкестеріне қарсы қолданылатын қосылыстарды бөліп алу және анықтауға арналды.