Мәлік Нәдірбеков

Мәлік Нәдірбеков - 1951 жылы 18 желтоқсанда Алматы облысы Еңбекшіқазақ ауданының Бартоғай ауылында туған. Қазақ. Әкесі - Әндіжанов Нәдірбек, марқұм. Анасы - Әндіжанова Күлімхан, марқұм. Қазақ мемлекеттік дене шынықтыру институтының педагогика факультетін бітіргөн (1973), дене шынықтыру және спорт оқытушысы. Қазақ және орыс тілдерін біледі.

Өмірбаяны

1974 жылдан - Алматы қаласындағы «Қайрат» ОРБЖСМ еркін күрес бойынша жаттықтырушысы.
1984 жылдан - Алматы қаласындағы Республикалық спорт интернатының еркін күрес бойынша оқытушысы.
1992 жылдан - ҚР еркін күрес бойынша бас жаттықтырушысы.
1993 жылдан - Республикалық спорттық бейіндегі мектеп-интернаттың еркін күрес бойынша жаттықтырушысы.
1996 жылдан - ҚР еркін күрес бойынша бас жаттықтырушысы.
1997 жылдан - Алматы қаласындағы Республикалық спорт колледжінің еркін күрес бойынша аға жаттықтырушысы.
2003 жылдан - ҚР Олимпиадағы дайындық орталығының еркін күрес бойынша аға жаттықтырушысы.
2005 жылдан - ҚР еркін күрес бойынша аға жаттықтырушысы, 2006 жылдан - бас жаттықтырушысы.
2010 жылдан бері - Алматы қаласындағы Жоғары спорт шеберлігі мектебінің еркін күрес бойынша жаттықтырушысы. Еркін күрестен жастар арасындағы КСРО чемпионы, жасөспірімдер арасындағы КСРО жастар ойыншыларының жүлдегері Исабаев Талғатты; Азия Кубогының иегері Деңгілбаев Берікті; жасөспірімдер арасындағы Еуропа Чемпионатының жеңімпазы Эрсенов Анзорды; жасөспірімдер арасындағы әлем чемпионы, жастар арасындағы Әлем чемпионатының 2 мәрте жүлдегері Нұрбазалиев Рамзанды; жастар арасындағы Әлем чемпионатының жүлдегері Сабанбай Дәулетті; жастар арасындағы Азия чемпионы Боронбаев Қалсарды тәрбиелеген. ҚР еркін күресінен Еңбек сіңірген жаттықтырушысы. «Ынтымақтастықты дамытуға қосқан үлесі үшін» ҚР ІІМ медалімен (2008); ҚР Президентінің құрмет грамотасымен (2008) марапатталған.

Отбасы

Үйленген. Жұбайы - Нәдірбекова Кенжекей Данапиқызы. Қыздары - Нәдірбекова Әсел (1981 ж. т.), Нәдірбекова Әйгерім (1985 ж. т.), Нәдірбекова Айтолқын (1989 ж. т.).

Немересі - Сейдуманов әл-Рахым (2008 ж. т.).^[1]^[2]

Дереккөздер

↑ Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3
↑ Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3

[2] Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2

[1]

[2]