Нәжмитдин Баукеұлы Мұхитдинов
Нәжмитдин Баукеұлы Мұхитдинов (9.5.1940 жылы, Түркістан облысы Түлкібас ауданы Абай ауылы – 27.7.2005, Алматы қаласы) – заң ғылымдарының докторы (1981), профессор (1983). ҚР Әлеуметтік ғылым академиясының академигі (1996). ҚР Білім беру ісінің еңбек сіңірген қайраткері (2001).
ҚазМУ-ды (1962, қазіргі ҚазҰУ), КСРО ҒА Мемлекет және құқық институтының аспирантурасын (1965) бітірген. Қазақстан ғылым академиясының Философия және құқық институтында кіші, аға ғылыми қызметкер (1965–83), ҚазҰУ-да кафедра меңгерушісі (1983–2005) қызметтерін атқарды.[1] «Теоретические проблемы Советского горного права» тақырыбында докторантуралық диссертация қорғаған. Негізгі ғылыми еңбектері табиғатты қорғау және оны тиімді пайдалану мәселелеріне арналған. Бірнеше Заң актілерін дайындауға қатысқан. Орталық Азия университеті мен Шығыс Қазақстан мемлекеттік университетінде Нәжмитдин Баукеұлы Мұхитдинов атындағы стипендия тағайындалған. Ш.Ш.Уәлиханов атындағы сыйлық лауреаты (1986). 160-тан астам ғылыми жарияланымның, 30 монография мен оқу құралдарының авторы.[2]
Дереккөздер өңдеу
- ↑ Теоретические проблемы Советского горного права
- ↑ Қазақ Энциклопедиясы
Cілтемелер өңдеу
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|